Press "Enter" to skip to content

Egilea: izerditan blai

Playeruak eta gure Elena Azpeitia freelancearen estreinaldia Karmele Makazagarekin

Kaixo entzule maite!

Biharko saioan playeroetako antolakuntzan dabiltzan bi kide gerturatuko zaizkigu. Denboraldia oraindik hasteko asmorik ez dagoen arren izen ematea zabalik dago. Honen inguruan eta etor daitekeenarekin inguruan arituko gara beraiekin. Bestalde, udako merkatuan Elena Azpeitia freelance moduan aritzeko fitxatu dugu eta bere estreinaldian, Karmele Makazagari egindako elkarrizketa entzuteko aukera izango duzue. Beraz, kirol aktualitatea eta kirolari historiko bati egindako elkarrizketarekin gozatu nahi baduzue ez hutsik egin eta sintonizatu bihar, asteazkena 21.00tatik aurrera Arraio Irratia, FMko 99.3an

ZAEko arraunlariak gela arroxean

Kaixo entzule maite!

Oporrak bukatuta berriz ere hemen gara denboraldi berri bati ekiteko asmoarekin. Sasoi honetan iazko hiru esatariok jarraituko dugu eta osasun egoerak uzten digun kirol aktualitatearen berri ematen saiatuko gara.

Hortaz, biharkoan udan protagonista izan diren ZAEko kideak gerturatuko zaizkigu denboraldi bikain honetaz aritzeko. Beraz, ez hutsik egin eta sintonizatu 21.00tatik aurrera Arraio irratia, FMko 99.3an!!

Salbideko festak girotzen egongo gara!

Aste honetan hasi dugu 2020-2021 irratsaio denboraldia Zaratazarautzen eskutik. Bihar egingo dugu kaleko lehen zuzenekoa Salbide auzotik. Aurtengoan, lehen aldiz ospatuko dituzte auzoko festak eta gu bertan izango gara larunbat goiza girotu asmoz. 11.00tatik 13.00tara bertan izango gara goizeko mural pintaketa zein haurren marrazki erakusketaren berri emanez. Elkarrizketak, musika eta nola ez gure ikasturte berriko albisteak ere izango ditugu mintzagai.

Ez da ahaztu behar gaur egungo egoeran segurtasun neurriak kontuan hartu bertara gerturatu zaitezketela giroaz gozatzera eta horretarako aukerarik ez baduzue FMtik jarraitzeko modua izango duzue. Beraz ez dago aitzakiarik Salbideko auzoko festez ez gozatzeko, animatu!!

Iñigo Eizagirre txirrindularia biharko saioan

Kaixo entzule maite! Konturatzerako iritsi gara denboraldi amaierara eta ondorioz 2019-2020ko azken saioa egin beharko dugu.

Biharkoan Jira-bira Eulen taldeko Iñigo Eizagirre txirrindulari gaztea izango dugu. Lehendabizikoz aurten ari da 23 urtez azpiko afizionatuetako mailan lehiatzen Zarauztarra-tik igaro ostean.

Bere hastapenetatik hasita, urte gorabeheratsu hau eta hemendik aurrera duen egutegiaz zein bideaz arituko gara. Beti bezala, hau guztia 21.00tatik aurrea, Arraio irratian, FMko 99.3an!!

Playero kontuak gaurko saioan

Kaixo entzule maite! Hemen gara berriz ere ekaineko lehen saioa egiteko asmoz! Oraingo honetan playeroetako antolatzaileak izango dira gurean. Aurten hartu dute beren gain txapelketaren antolakuntza eta denboraldi gorabeheratsu honen inguruko balantzea egingo dugu beraiekin. Jakina den bezala aurten ez da garailerik egon nahiz eta gizonezkoen talde batek beren burua txapelduntzat hartu. Honetaz eta beste zenbait kontuz arituko gara gaur 21.00tatik aurrera Arraio irratian, FMko 99.3an!!