Press "Enter" to skip to content

Egilea: human_rights

Dirtaa taldea ZarataZarautzen

human_rights human_rights
2009-03-10

Martxoaren 10eko saioan, Zarauzko Dirtaa taldearen bixita izango dugu ZarataZarautzen. Zülo, Erantzun edota MKT taldeetan ibilitako jendeaz osatuaz dagoen formazio berri honek, maketa bat aurkeztu behar du ostiral honetan, Zarauzko Putzuzulo Gaztetxean Donostiako Iron Batasuna taldearekin batera.

dirtaa.jpg

Baina kontzertu hau baino lehen, arraio irratiko mikroen aurrean izango ditugu gaur, gaueko 21:30etatik aurrera maketa horren grabaketaren nondik norakoez hitzegiteko.

Honez gain, astearte honetan kontzertu zaratatsu bat dugu Putzuzulon. Martxoaren 14an, larunbatean, 12:00tan Txuri zarauztar presoa askatzeko elkartasun ekimena egingo da eta 20:30tatik aurrera afarimerienda eta kontzertua izango da putzuzulon. Zarauzko Burux Lee eta belgikako Silence Means Death taldeak izango ditugu.

martxoa.jpg

Burux lee, mantisa, folkcore eta pandemia taldeetako kideekin osatutako taldea dugu. Eskola zaharreko hardcorea lantzen dute… refused eta antzerako taldeen metal ikutua nahastuz. Silence means death belgikatik datoz eta crust iluna eskainiko digute.

ZarataZarautz bueltan da!

human_rights human_rights
2009-02-24

Bueltan gara berriz beste astearte Zaratatsu bati ekiteko. Otsailaren 24ko saioan, nobedade berriekin etorriko gara. Hala nola, Diskoiraa taldeak, Metralleta taldearekin batera atera behar duen Ep-ko abesti batzuk entzuteko aukera izango dugu.

disco.jpg

Honez gain, eta irratiko biniloak uzten badigu, nobedade berri gehiago entzuteko aukera ere izango dugu eta laister Putzuzulon izango ditugun kontzertuen berri ere emango dugu. Guztia, gaueko 21:30etaik aurrera izango da.

Gaurko bideo emanaldia atzeratua!!!

human_rights human_rights
2009-02-18

Asteazken honetan eman behar genuen “El año de todos los demonios” film dokumentala atzeratzea erabaki dugu Proiektorearekin eta filmarekin ditugun arazo teknikoen ondorioz. Hala ere, arraio irratitik kompromezua hartzen dugu bideo emanaldi hau antolatzearena eta espero dugu laister izatea.

Mesedez, gaur arratsaldean gaztetxera gerturatu behar zuen edonor ezagutzen baduzue, abixatu iezaiozue ez dela bideo emanaldirik egongo, milesker.

“El año de todos los demonios” dokumentala Putzuzulon

human_rights human_rights
2009-02-16

Asteazken honetan, Otsailaren 18an eta Arraio irratiaren eskutik , “El año de todos los demonios” dokumentala ikusteko aukera izango duzue, arratsaldeko 20:00etatik aurrera. Filma, Putzuzuloko bigarren solairuan izango da.

pertur.jpg

Eduardo Moreno Bergaretxe “Pertur”, ETA(Pm)-ko kidearen desagerketaren inguruan hitzegiten duen dokumentala dugu “El año de todos los demonios”. Angel Amigo zinema zuzendari eta ETA (pm)ko kide ohiak film hau aurkeztu zuen 2007an eta bertan, Perturren desagertzean estatu-terrorismoaren hipotesia indartzen da. Amigok bildutako informazioaren arabera, Pertur erakunde neofaxistekin loturak zituzten jendeek bahitu zuten, gero Espainiako agente frankisten eskuetan uzteko.

Filmak garai hartako ETAko buru batzuen deklarazioak eskaintzen ditu, eta Eugenio Etxebeste Antxoni -hainbat jenderen aldetik hilketa leporatu zaion etakideetako bati- bere bertsioa emateko aukera ematen zaio. Horrez gainera, Amigok filmerako, sumarioan parte hartu zuen italiar epaileetako bat, gertaera haien gainean lanean aritu ziren bi kazetari, Alain Etcheto Frantziako inteligentzia zerbitzuetako agentea eta Angel Ugarte Euskal Herrian CESEDeko (frankismoko zerbitzu sekretuetako) arduraduna izan zena, elkarrizketatu ditu.

Hjertstop taldea Putzuzulon!!!

human_rights human_rights
2009-02-10

Astearte honetako irratsaioan, Putzuzulo Gaztetxean burutuko den kontzertu eta bideo emanaldiaz informatzeaz gain, azken egun hauetako nobedadeez ere hitzegingo dugu, beti bezala, gaueko 21:30etatik aurrera.

hjert.jpg

Arraio irratiko ZarataZarautz irratsaioaren eskutik, bideo emanaldi bat eta kontzertua izango dugu, Otsailaren 13an, Ostiralean.

Arratsaldeko 20:00tan hasita, “69” film dokumentala ikusteko aukera izango dugu. Nikolaj Viborgek izango dugu gaztetxean, berak ekoizturiko 69 filma aurkezten. Bertan, Copenhageko Ungdomshuset etxe okupatu mitikoaren inguruan hitzegiten du. Etxe hau 25 urtez bizirik egon ondoren, bortizki desalojatua izan zen 2007ean. Aukera paregabea izango dugu beraz, desalojoaren egunean gertatu zenaren berri izateko.

Filmaren ondoren, hiru taldek joko dute Putzuzuloko oholtza gainean. Lehenik, Harlore Zarauztarrak izango ditugu. Maketa bat kaleratu berri dute Zarauztarrek eta bertako kantuez gozatzeko aukera izango dugu. Hauen ondoren, Zallatik datozen No Komply Hardcore taldea izango dugu. Azkenik, Europar biran dabilen Hjertestop taldeak joko du. Danimarkarrak, EP bat eta LP bat kaleratu berri dute eta hau ari dira aurkezten Europa guztian zehar. Kontzertua, gaueko 21:30etan hasiko da.