Zarauzko irrati askea
Podcast: Play in new window | Download
Zer jan hura izan. Jaten duguna omen gara, eta jaten dugunak hainbat ondorio sorrarazten dizkigu. Elikagaien eta psikologiaren arteko loturaz ariko gara gaur Atalkako elkarrizketa saioan. Judith Etxezarreta nutrizionista eta Nerea Gomez psikologoa etorriko zaizkigu Putzuzuloko gela arroxara, eta gure gorputza hobeto ezagutzeko gakoak emango dizkigute.
Astero legez, 21:00etan entzungo dugu elkar!
Podcast: Play in new window | Download
Arraio Irratiaren 10. urteurrena ospatu berri dugu eta Zinema Itsuan hortaz baliatu gara gaurko programa egiteko. Zinemaren historiako 10 eszena ikoniko eta ezagunenak ekarriko ditugu gaurko saiora. Ea ados zaudeten ekarritako zerrendarekin.
Arraiokideen artean ere galdetu dugu eta gure eszena gogokoenak ere ekarriko ditugu gaurkora.
21:00etatik aurrera, FMko 99.3an, ez galdu
.
Podcast: Play in new window | Download
Beti bezala, hil honetako efemeride interesgarriak azalduko dizkizuegu eta, ondoren, 2 gonbidatu izango ditugu. Batetik, Krisek azalduko digu, oro har, zein egoera bizi duten emakume presoek eta berak izandako esperientziak partekatuko ditu gurekin.
Bestetik, Nagorek, egun hauetan Fresnesen nahiz beste zenbait kartzelatan gertatzen ari dena argituko digu eta egoera salatzeko planteatutako ekimenak ere zehaztuko ditu. Orokorretik lokalera ere joko dugu, ordea; izan ere, Ekhine Eizagirre zarauztarra Fresnesen dago preso eta bere egoera gertuagotik ezagutuko dugu.
Ikusten duzuenez, gaurko saioa interesgarria izango da! Ez galdu 21:00etatik aurrera hasiko den Bolloenea saioa.
Podcast: Play in new window | Download
2013an,  occhi  di  farfallakoek, diska akustiko  erara atera  zutenetik,  hiru  urte  pasa  dira.
 Gaurkoan,  labetik  atera  berri  duten, ” Lerroetatik  ihes”  lan  berria  aurkeztera datoz.
Aldaketa  batzuk  ere  izan  dituzte  baina  onena  beraiek  zer  dioten  entzutea  izango  da.
Podcast: Play in new window | Download
Gaur zortzi hasiko da aurtengo Literaturia, eta hura izango dugu hizpide Atalakako gaurko saioan. Ana Galarraga etorriko da Arraioko gela arroxara, eta hark kontatuko digu aurtengo edizioa larrutzeko prestatu dutena. Hirugarren aldiz egingo da Literaturia Zarautzen, eta aldaketa horri buruz ere ariko gara 21:00etatik aurrera.
Gero arte!
