Press "Enter" to skip to content

Egilea: arraio

Entzun ezazue Ahuntzen beste eztul bikain bat

arraio arraio
2011-02-28

Podcast: Play in new window | Download

Bi ordu pasatxoko irratsaioa eskeini ziguten Ahuntzaren Gauerdiko Eztulako kideek. Malintxek beste behin ere ezin izan zuen Arraio Irratiko uhin libreetan izan baina Lagun Izoztuaren laguntzaz (Aupa hi!!!) benetan saio interesgarria izan genuen.

Lehen orduan, Bartolo ekarri zuten gogora Edonatok eta Jardinerok. Horretarako, telefono dei pare bat erabili zituzten beraien lagunekin hizketaldia izateko eta larunbatean bere omenez musika plazan izan zen ekitaldia gogorarazteko. Inoren Ero Ni taldeko MIkel Abrego (;)) ere gela arroxean izan genuen, bai Bartolo gogorarazteko eta baita bere ibilbide musikalari errepaso bat eman eta gaur egun dituen proiektuez hitzegiteko.

Eta amaitzeko, Labi ere irratsaioan izan genuen. Asteak bere atzetik ibili ostean, azkenean irratira etortzen hausartu zen. Bere egungo egoerari errepasoa eman genion eta jasan duten prozesu guztiaren hausnarketa txiki bat ere egin genuen.

Saioa osorik entzun nahi baduzue, podcastean duzue:

Sarean dago Aiora Epeldek eskeinitako hitzaldia

arraio arraio
2011-02-25

Podcast: Play in new window | Download

Arranopola Kultur taldeak Zarauzko Arrano tabernan eskeinitako beste hitzaldi bat sarean dago iada. Bertan Aiora Epelde eduki genuen Emakumeak eta Espetxea izeneko hitzaldian.

Lehenik, Fresneseko espetxean, 2004ean hainbat presok eginiko bideo bat ikusteko aukera egon zen eta honen ostean, Aiorak espetxean bizitako esperientzia pertsonalaz hitzegin zigun.

Guzti hau entzun nahi baduzue, Arraio Irratiko uhin libreetan entzun ahalko duzue larunbat honetan, goizeko 10:00etatik 11:00etara edo bestela Podcastean duzue:

Labi eta Xaporra elkartasun taldearen prentsaurrekoa entzungai duzue

arraio arraio
2011-02-23

Podcast: Play in new window | Download

Eskuz esku taldeak, Zarauzko Putzuzulo Gaztetxean emandako prentsaurrekoa entzungai duzue iada. Bertan, Labi eta Xaporraz gain, beraien abokatuak diren Mikel Elortza eta Ainhoa Baglieto izan ziren hizketan beraien gaur egungo egoerari buruz eta epaiaren nondik norakoez hitzegiten. Honez gain, Eskuz-eskuko kide batek, lan talde osoaren balorazio txikia egin du.

Prentsaurrekoa entzun nahi baduzue, podcastean duzue. Lehena, .ogg formatuan dago eta bigarrena berriz .wav formatuan:

Puerto Ricoko musika mugimendua ZarataZarautzen

arraio arraio
2011-02-22

Podcast: Play in new window | Download

Beste astearte zaratatsu bikain bat dugu prestatua aste honetarako ere. Otsailaren 22ko ZarataZarautz irratsaioan, Puerto Ricoko hardcore mugimenduaz mintzatuko gara gonbidatu berezi batekin, Felixekin alegia. Ordu eta erdi luzez, bertako talde mitikoez eta azken nobedadeez hitzegingo dugu.

Gogoratu, zita zaratatsu bat duzuela, astearte honetan, gaueko 21:30etatik aurrera, Putzuzulo Gaztetxean antolatu diren Memoria Historikoaren inguruko hitzaldiaren ondoren. Eta gogoratu, Zarautzen ez bazaudete internet bidez entzun dezakezuela HEMEN klik eginaz.

Memoria Historikoaren inguruko hitzaldiak Arraion

arraio arraio
2011-02-21

Memoria HIstorikoaren inguruko jardunaldiak burutuko dira Zarauzko Putzuzulo Gaztetxean Otsailaren 21etik Martxoaren 19ra eta hitzaldi guztiak Zarauzko Arraio irratiak zuzenean emitituko (bai FM zein internetez) ditu eta bere webgunean ere eskegiko dira. Ondorengo lerroetan duzue, bertan egongo diren hitzaldiak:

Otsailak 21, astelehena, 19:00tan:

“Getariaren Sustrai ekimena“-ko kideak diren Idoia Arrieta eta Jon Irigoienen hitzaldia eta “Zarauzko Memoria Historikoa” Jon Benitoren eskutik

Otsailak 22, asteartea, 19:00tan:

Iñaki Gil de San Vicenteren eskutik “Memoria Historica”

Otsailak 23, asteazkena, 19:00tan:

Euskal Herriko egiaren batzordearen inguruan Antton Gomez eta Gotzon Garmendiaren hitzaldia

Martxoak 19, larunbata, 17:30etan:

Jesus de Cos Borbolla Maquis-eko kidea , “Ni bandidos, ni vencidos. La Guerrilla antifranquista en Cantabria“ren inguruan.