Press "Enter" to skip to content

Egilea: atalka

Atalkako “Intxaur Saltsa” beranduago hasiko da gaur

atalka atalka
2013-02-14

Podcast: Play in new window | Download

Esatariaren arazoak medio, Atalkako “Intxaur Saltsa” beranduago hasiko da gaur gauean. Printzipioz 22.00etatik 23.00etara izango da.

Barkamenak, aldez aurretik.

Gaurkoan, Taupaka proiektua ezagutzeko aukera izango dugu. Musikherria herri disketxea desagertu ondoren iazko udan jaiotako argitaletxea. Isuo espaziontziko mutilak bere kultura proposamena emango digu eta ondoren, urte batzuk atzera bidaiatuko dugu, Gaitza musika taldea berriro taularatuko baita larunbatean Orion.

 

Gonazpitan lardaxkan lehen saioa

atalka atalka
2013-01-31

Podcast: Play in new window | Download

Gaur iluntzian, Urtarrilak 31, 21.00tatik aurrera, ATALKA saioko azken azpitaldearen aurkezpena izango deu, “Gonazpietan lardaxkan”. Putizuloko gela arroxetik zuen gonazpitara iritxiko diren uhin moriak zabalduko ditugu…

Lehen saio hontan, gure helburuak eta saioan nondik norakuak, berri eta agenda feminista, emakumeen partaidetzari buruzko eztabaida, hilabeteko pertsonaia eta errezayua izango ditugu hizpide. Hala ere kontutan hartu, lehenengo aldia denez ez garela zuzenean arituko, beraz, edozein kexa, laudoriyo, edo dana dalako gonazpitanlardaxkan@gmailera bidali!

Irrintzika arituko gea besape, hankarte, eta sudurtzuloko iliak kitzikatuz zure belarrietaraino iritis arte!

Gu bezela tititaño bazaude, ausartu gurekin lardaxkatzera! Sintonizatu Arraio Irratia 99.3an!

Zinema Itsua Atalkan

atalka atalka
2013-01-23

Atalka saioarekin jarraitzeko aste honetan Zinema Itsua saioarekin gatoz.
Gaueko 21:30tatik aurrera bertan izango gaituzue zinea eta soinu bandei errepaso bat emateko prest.

Estreinaldira gonbidatzen zaituztegu!!

Maitasunez,
Thelma eta Louise

Atalka saioan gaur Intxaur Saltsa!!!

atalka atalka
2013-01-17

Iepa kaixo!!!

Lehengo ostegunean abiatu genuen Atalka saioaren denboraldi berria eta gaur bigarren atala izango dugu, Intxaur Saltsa, hain zuzen. Bigarren atal honetan kultura inguruko proiektu eta mugimendu ezberdinak ezagutuko ditugu. Gaurkoan Saioa Cabañas “Gauilunak” argazkilariarekin hitz egingo dugu. Berak abiatu zuen Emarock elkartea ( http://www.emarock.com/ ), Euskal Herrian dauden emakume musikariak ezagutzera emateko eta gainerakoak eszenatokietara salto egitera animatzeko.

Hileroko proposamena ere izango dugu Oihana Leundaren eskutik eta astebururako planak ere proposatuko dizkizuegu.

Hori guztia 21.00etatik 22.00etara, Arraio Irratian!!!

Atalka badatorrrr!

atalka atalka
2012-12-27

Podcast: Play in new window | Download

Iepa kaixo!!

Urtarrilean ATALKA berriro martxan jartzeko ilusioz beterik gatoz!Proiektu berri bat eskeini nahi dizuegu eta horretarako hamaika emakume ahots elkarlanean ariko gara bertan. Hilabetea lau irratsaiotan banatu eta bakoitzean atal ezberdin bat jorratuko dugu. Lehenengo astean Elkarrizketak, bigarrenean Kultura Magazina, hirugarrenean Zinema Itsua eta laugarrenean Gonazpietan lardaxkan saio feminista.

Lau aste,

lau atal,

lau irratsaio,

hamaika ahots Arraioko uhinetan!!Ostegunero gaueko 9tatik 10etara!

Laister geaaa!