Zarauzko irrati askea
Podcast: Play in new window | Download
Otsailaren 1eko ZarataZarautz irratsaioan, Dirtaa taldeko kideak edukiko ditugu. CD berri bat kaleratu dute eta honekin batera etenaldi txiki bat egingo dute. Guzti honetaz eta beste gauza gehiagotaz jardungo gara gaurkoan beraiekin.
Gogoratu zita zaratatsu bat duzuela gaur, gaueko 21:30etatik aurrera. Eta Zarauztik kanpo bazaudete internetez ere entzun dezakezuela HEMEN klik eginaz.
Podcast: Play in new window | Download
Zarauzko Arraio Irrati libreak, Euskal Herrian bihar deitu den greba orokorrarekin bat egingo du. Honegatik, gure programazioak aldaketak izango ditu.
Goizean zehar, Hala Bedi irratiarekin konexioa egingo dugu hauek grebaren inguruan burutu behar duten jarraipena emititzeko.
Entzun ezazue goizean, Hala Bedi irratiko lagunek Zarauzko Arraio Irratiko kide bati eginiko elkarrizketatxoa. Bertan, Zarautzen goizean zehar egin diren mobilizazioen inguruan hitzegin dute. Aldez aurretik milesker Hala Bediko lagunei:
Podcast: Play in new window | Download
Urtarrilaren 20an, Arranopola Kultur Taldeak Zarauzko Arrano Tabernan antolaturiko hitzaldia entzungai dago iada.
Bertan, Aitor Saiz izan genuen Nekane Juradok argitaratu berri duen “Independencia. De reivindicación histórica a necesidad económica” liburuaren aurkezpena egiten. Bide batez, hitzaldi hau Arraio Irratiko uhin libreetan entzun ahalko da larunbat honetan, goizeko 10:00etatik aurrera.
Hitzaldi hau entzun nahi baduzue, podcastean duzue:
Podcast: Play in new window | Download
Zarauzko Putzuzulo Gaztetxean CNT sindikatuaren mendeurrenaren inguruan egin ziren hitzaldiak entzungai daude iada. Azaroaren 12tik Abenduaren 9ra burutu ziren hitzaldi guztiak igo ditugu iada entzun ditzazuen.
Azaroaren 12an, Andres Ruggeri, Buenos Aireseko unibertsitateko irakaslea eduki genuen Argentinako Empresa autogestionatuen inguran.
Azaroaren 17an berriz, Miguel Perera eduki genuen hizlari “Ahora mas que nunca anarcosindicalismo” izenpean.
Azaroaren 25ean, Endika Alabort EHUko irakaslea izan genuen krisi ekonomikoari buruz eta alternatiba autogestionarioen inguruan hizketan.
Azaroaren 30ean, bi gonbidatu eduki genituen Putzuzulon. Lehena, Juan Luis Mendizabal “Mendi” izan genuen. Berak, bere umeetako oroitzapenak ekarri zituen gogora eta Zarautzen anarkistak izan zireneko gogoetak ekarri zizkigun. Honen ostean, Luis Mª Jimenez De Aberaturi eduki genuen, gerra zibileko Euskal Anarkistak gogora ekarriz.
Eta amaitzeko, Abenduaren 7an Lucio Urtubia anarkista egon zen “La revolucion por el tejado” izena zuen hitzaldia ematen.
Hitzaldi guztiak, podcastetan dituzue:
Podcast: Play in new window | Download
Pasa den astean atxilotu zuten Iraitz Gesalagaren anaiari elkarrizketa txiki bat egin diogu Zarauzko Arraio Irratian. Bertan, astelehenean Paueko auzitegian burutu zen bistaz eta euroaginduaren prozeduraz mintzatu gara.
Elkarizketa hau entzun nahi baduzue, podcastean duzue.
