Arraio Irratian egiten ari garen hobekuntza teknikoengatik, larunbatean emisioa etengo dugu egun osoz. Obra garrantzitsuak egin behar ditugu gela arroxean eta astebukaera aprobetxatuko dugu hau egiteko. Iganderako dena prest egotea espero dugu. Barkatu eragozpenak.
Egilea: arraio
Podcast: Play in new window | Download
Gaur, Zarauzko Etxezabala eraikinean burutu den Indarkeria Sexistaren inguruko Foro Herritarra entzungai duzue. Bertan, Maider Morras abokatua, Nere Altxu, gizarte langilea eta berdintasun teknikaria Carmen Biain, hezitzailea eta Miren Aranguren, Bilgune Feministako kideak izan ditugu mahai inguruan. Foro herritarra podcastean duzue entzungai eta honen inguruko spota ere jarraian ikusgai duzue
Podcast: Play in new window | Download
Asko kosta zaigu, izardi pila bota dugu eta sekulako kaka eman behar izan diogu baina azkenean Tito ZarataZarauzko irratsaioan izango dugu. Metralleta, Dictadura eta Napalm Beacheko gitarjoleak, gustoko dituen abestiak jarriko dizkigu ordu eta erdiz, Powerviolence taldeak hain zuzen ere. Beraz, abiadura azkarra eta segundu gutxiko abestiak entzun nahi badituzue, asteartean 21:30etatik aurrera Arraio sintonizatu besterik ez duzue.
Podcast: Play in new window | Download
Datorren astelehean, Azaroaren 26an eta arratsaldeko 20:00etatik aurrera, Mor More talde Zarauztarrari Bilboko Irola Irratiko EmaRock saioan eginiko elkarrizketa entzungai edukiko duzue Arraioko uhin libreetan.
Ostegunez emitituriko saioa Zarauzko irrati librean berriz ere entzungai edukiko duzue. Bertan, elkarrizketaz gain zuzeneko abesti batzuk eta bitxikeria gehiago ere izango dituzue. Aldez aurretik, milesker Irola Irratiko eta EmaRock ekimeneko kideei.
[youtube]http://www.youtube.com/watch?v=ruNPvaKoS8M&feature=player_embedded[/youtube]
Podcast: Play in new window | Download
Aste honetako ZarataZarautz irratsaioan dEZkontrolatu jardunaldiekin bat egingo dugu. Horregatik errepresioarekin zerikusia duten abestiak jarriko ditugu astearte honetan. Hamarkada ezberdinetako taldeen doinuak entzun ahalko dituzue beraz, gaueko 21:30etatik aurrera.
