Zarauzko irrati askea
Podcast: Play in new window | Download
Nor da Wilson? Eta nor dabil haren bila? AMUA bota digute: Antzerkia, Musika, Uhinak eta Algaratxoren bat. Egoera surrealista honetan, irribarretxo bat ateratzen badizugu, gu pozik.
Ausartuko al zara amua irenstera? Gaur, 18:00etan, “Hor hao, Wilson?” saio bitxia. Entzun, entzun; ez dakigu-eta hauen berri gehiago izango dugun.
Podcast: Play in new window | Download
Koronabirusak ona den zerbait ekarri badu, gure irratsaioko txibierro guztiak berriz batzea izan da. Azken urteetan, irratsaioak aurrera jarraitu duen arren, duela bi urte inguru ez ginela elkartzen.
Ohiko moduan, tertulia-radiofoniko formatuari heldu diogu, oraingoan etxeko zapatiletan.
Gorputzeri jeitsi eta bi galderekin bueltaka egon gara; Egonezinez betetako sasoi honetan, zerek kentzen dizu loa? eta zerk laguntzen dizu ondo lo egiten?
Berba egiteko gogo asko geneukan eta bi abesti baino ez ditugu entzun:
Deskantsatu, zaindu, baina despistatu barik! guk hemen jarraituko dogu gerra ematen!
*Ilustrazioa: Polly Nor
Podcast: Play in new window | Download
Kaixo entzule maite!
Konfinamenduak aurrera darraien arren Arraio irratia ez da ixilik geratuko eta aste honetan, berriz ere, Izerditan blai entzuteko aukeran izango zarete. Gaurkoan bi protagonista eta teknologiarekin asmatzen badu, agian lau ere izango gara. Oraingo honetan hiru protagonista polifazetiko izango ditugu gurean, mundu mailan kirolari bezala ezagunak ez badira ere horretan saiatzen direla esan dezakegu. Hortaz gaurkoan Xuban Manterola eskubaloi jokalaria, Jon Aizpurua playerotako aurrelaria eta Ganix Gesalaga txirrinda zalea izango dira protagonista eta agian Fausto Berazadi atezain eskarmentatua ere bai. Hiru protagonista hauek Haritz Gallastegi, Asier Aranguren eta Juananek elkarrizketatu dituzte, Patximagicken presentziaren konfirmazioaren zain.
Gogoratu entzuleok ere galderak egiteko moduan izango zaretela twitter eta facebooken bidez, beraz, ez hutsik egin eta sintonizatu Arraio irratia 21.00tatik aurrera, gaur ez duzue eta pintxo potearen aitzakiarik!
Podcast: Play in new window | Download
Lasai, zuen zarata dosia izango duzue aste hauetan ere. ZarataZarautz saioa prest dugu aste honetan, nahiz eta etxetik egina izan. Irratsaioa osatzen dugun 3 lagunok abesti batzuk aukeratu ditugu zuen gozamenerako eta arraioko FMan entzuteko aukera ere edukiko duzue.
Irratsaioa podcastean duzue. Playlista berriz HEMEN.
Asteartetik otiralera 13:00etan emitituko dugu FMko 99.3an Orokieta Herri eskolako irakasle eta ikasleen artean egiten duten irratsaioa.
Koronabirusak sorturiko konfinamentu egoera berri honetan eginiko irratsaioak dira. Guztiak hemen izango dira entzungai.
