Zarauzko irrati askea
Podcast: Play in new window | Download
Gabonak etorri diren bezala, Mattingun ere gurean edukiko dugu ZarataZarautz irratsaioan.
Bartzelonatik Zarautza itzuli zaigu egun batzuk pasatzera eta gure irratsaiora etorriko da beste behin ere musika apur bat jartzera (zentsura pasatzen badu).
Asteartean beraz, ohiko zita duzue gaueko 21:30etatik aurrera, FMko 99.3an edo internet bidez.
Podcast: Play in new window | Download
Atzo Putzuzulo Gaztetxean ospatu zen urteroko kopla txapelketa entzungai duzue. 10 bertsolarik osaturiko txapelketan Beñat Gaztelumendi izan zen onena, finalean Mañukortarekin kopletan ibili ostean. Berarentzat izan zen zintzarria.
Azken unean Xabier Silveirak huts egin zuen baina hala ere sorpresa batzuekin eta giro bikainarekin 3 ordu luzez, festa bikain batez gozatzeko aukera izan genuen. Agosti eta Barrena, Jon Sarasua, ohiko aurkezleak…
Kopla txapelketa podcastean duzue.
Podcast: Play in new window | Download
Abenduaren 22an, ostegunean, Arranopola Kultur Taldeak Arrano tabernan antolatu zuen hitzaldia entzungai duzue. Bertan, Haimar Arozena eta Mikel Larrañaga eduki genituen EPPK-ren inguruan hizketan. Honen ostean, beraien esperientzia pertsonala kontatu ziguten, preso politiko ohiak dira eta.
Hitzaldia podcastean duzue entzun nahi izan ezkero.
Kaixo lagunok, Eguberri hauetan ere elektronika nahikoa izango dudu Zarauzko irrrati librean, Arraio Irratian. Gaurkoan, Gregor Tresher eta Petar Dundov-ek atera berri duten DUO TONE izeneko ep-a entzungo dugu, aparta benetan!!! Horretaz gain, aurten zeresana eman duten diska eta izen batzu gogoratuko ditugu. Badakizue, beti bezala, 8tan hasi eta9ak arte KAIOLATIK Arraio Irratian!!!
Kaixo arraiozale!
Aste honetako Atalkan Jentilbaratza eskalada taldeko kideak izango ditugu gurekin. Zarauzko eta inguruko eskalatzaileek osatzen dute talde hau. Herrian eta gertuan, euren eskalada beharrak asetzeko moduko lokalik ez zegoela ikusita, bildu eta lokala eta taldea martxan jarri zuten Jentilbaratzakoek. Dena denen artean egina, denentzat.
Gogoratu, saioan parte hartu dezakezuela zuzen-zuzenean (telefono deiak, sms-ak, e-posta, facebook-a,…).
Eta abixua: ondorengo hiru ostegunetan ez dugu zuzeneko saiorik egingo, baina laaaaasai, aurreko Atalka zaharragoak errepikatuko ditugu-eta!. Urtarrilak 12an izango da hurrengo zuzenekoa.
On egin!
