Zarauzko irrati askea
Podcast: Play in new window | Download
Entretenitua izan zen Arrautz Ustelak talde Oriotarreko bi abeslariekin egin genuen ZarataZarautz saioa. Beraien ibilbide luzeaz hitzegin genuen eta etorkizunean dituzten asmoez ere. Honez gain, Orio herrian Gaztetxearekin duten kontuez ere mintzatu ginen.
Irratsaioa entzun nahi baduzue, Podcastean duzue. Playlista berriz, HEMEN duzue.
Podcast: Play in new window | Download
epala!!!
Igande hontan ere makina kontu izan genituen Ahuntzaren gauerdiko eztulan. Ez genuen izan gonbidaturik eta ondorioz, Malintxe, Edonato eta Jardineroren arteko solasaldi benetan interesgarria izan genuen.
Alde batetik, herritar askoren ahotan dagoen kontu bat izan genun hizpide: bizikleten afera. Eta bestetik, Xakela Gaztetxe Asanbladakoek larunbatean kalean antolatutako eguna hartu genuen gaitzat.
Gai mamitsua benetan. Instituzioaren jarrera, gazteen independentzia hauekiko… Noski, Jardineroren efemerideak ere izan genituen.
Eta hurrengo astean berriz gonbidatu bat izango degu ezker abertzalearen proposamenaren inguruan hitzegiteko, herriko kontuak alde batera utzi gabe.
Ba hoixe, nahi izan ezkero grabazioa entzun hemen behean klikatu, eta ausnartu! ez, Esnatu!
Nahiz eta aurreko astebukaeran arazo dezente izan genituen bertsolari txapelketarekin konexioa egiteko, guzti hau konpondu dugu eta astebukaera honetako saioak ere Arraio irratitik emitituko ditugu. Astebukaera honetan, Tolosan eta Hendaian izango dira saioak.
Larunbatean, Azaroaren 14an eta Tolosako herrian, Igor Elortza, Sustrai Colina, Iker Zubeldia, Uxue Alberdi, Iñaki Gurrutxaga eta Ainhoa Agirreazaldegi bertsolariak ariko dira Usabal Polikiroldegian. Egun honetako aurkezlea Saroi Jauregi izango da.
Igandean berriz, Azaroaren 15ean eta Hendaiako Beltzenia pilotalekuan, Amets Arzallus, Jon Maia, Jone Uria, Aitor Sarriegi, Julio Soto eta Onintza Enbeita jardungo dira, Zuriñe Iarritu aurkezle moduan dela.
Arratsaldeko 17:00etatik aurrera, Info 7 irratiarekin konexioa burutuko dugu bi irratsaioak emititzeko.
Podcast: Play in new window | Download
Azaroaren 12ko brainstorming irratsaioan benetan interesgarri joan zen beste behin ere. Saioari hasiera emateko, Zumaiako Ihintza tabernako komuna nola diseinatu duten komentatu genuen. Ondoren, Zura taldearen kiribil diskaz mintzatu ginen eta eman behar dituzten azken kontzertuez jardun genuen.
Saioaren azken atalean berriz, Nafarroako Antzerki Eskola izan genuen hizpide. Aurten, Nafar gobernuak bere dirulaguntzak murriztu dizkie eta kinka larrian daude bertako langile eta ikasleak. Guzti hau salatzeko, mobilizazio batzuk burutzen dabiltza azken egun hauetan eta guzti honen berri izateko telefono bidezko elkarrizketa bat burutu genuen bertako ikaslea den Jaionerekin.
Irratsaioa entzun nahi baduzue, podcastean duzue:
Kaixo maiteok, Putzuzulo-ren laugarren urtemuga azkenengo txanpan dugula eta, hementxe gaude, odol transfusio baten beharrean dagoeneko, baina bueno, sarna con gusto… ba hoixe, pasa den ostiralean izan genuen aurtengo Kaiolatik fest, urtemugaro bezala, eta egia esan bikain atera da aurtengoan ere, giro ezin hobea eta musika elektroniko aparta prezio duinean. Eskerrikasko festa hura posible egin zuten guztiei benetan!!! Eta orain gurera, biharko ere saio ezin hobea dugulako prestaturik. Biharkoan Extrawelt Alemaniarrei eskeiniko diegu saioa, Hanburgotik datorren bikote honen minimal ilun eta psikodelikoaz gozatuko dugu beste behin ere. Darkside of my room, one tree hill, fernweh edota under tage bezalako harribitxiekin begiak itxi eta egan egingo dugu infinitora, animatzen??? Horretaz gain, lehengo asteako festa horretan entzundako tendentzi berriak aipatuko ditugu, eta hori gutxi bada, klasikazo bat dut gordeta saioa amaitzeko, beraz badakizue, ez galdu biharko bidaia!!! UP THE KAIOLS!!!
