Zarauzko irrati askea
Podcast: Play in new window | Download
Sekulako saioaz gozatzeko aukera izan zuten Putzuzulo Gaztetxeko gela handira hurbildu ziren guztiek. Arraio irratiko kide guztien eskutik 3 orduko saioa burutu zen bertan. Gonbidatu berezi ugari izan genituen, zuzeneko emanaldi bat eta jendearen partehartzea ere eduki genuen.
Saioa entzun nahi baduzue, podcastean duzue:
Zarauzko Putzuzulo Gaztetxearen urteurrena amaitzen ari da eta Arraio irratiari iritsi zaio bere gaua. Gaur, ostirala, Azaroaren 20an, Arraio Fest jaiaz gozatzeko aukera izango duzue Putzuzulo Gaztetxeko gela handian.
Bertan, gaur egun irratia osatzen dugun pertsona guztiak egongo gara mikro aurrean kontu kontari. Honez gain, gonbidatu bereziak ere izango ditugu. Hala nola, Txomo Bayo, Gorroto Etxaniz, Muno… Zuzeneko emanaldiren bat ere izango da eta jendearengana hurbilduko gara beraien parte hartzea bultzatzeko.
Ezin baduzue Gaztetxera azaldu, lasai, irratitik zuzenean ere emitituko dugu eta. Beraz, gaur gauean, 22:00etatik aurrera Putzuzulon ikusi nahi zaituztegu.
Podcast: Play in new window | Download
Atzo, irratsaio berri bat estreinatu zen Arraio Irratiko uhinetan. Atalka saioak, Amatista irratsaioak utzitako hutsunea beteko du hemendi aurrera. Nahiz eta ordu beteko saioa izan, atzokoa dezente luzatu zen eta bertan Zarauzko Gazte Mugimenduari errepaso zabala eman zitzaion. Pertsona ezberdinen ahotsen bitartez, herrian egon ziren eta dauden 3 Gaztetxeen inguruan eta hiru garai ezberdinen inguruan hitzegin zuten.
Irratsaioa entzun nahi baduzue, podcastean duzue:
Kaixo lagunok, hementxe nauzue bertze kaiolatik baten atarian, etxean musika aukeratuaz. Eta aste honetan produktore benetan fin bat aukeratu dut zuekin batera bidaiatzeko. Fairmont handia izango dugu protagonista biharkoan. Kanadatik datorkigun gizon honen melodia benetan indartsu eta psikodelikoek aste guztia preso eduki naute, eta biharkoan zuekin elkarbanatuko ditut. Trance ikutuko melodia indartsuak minimal baseekin nahastuta, sekulako soinu atmosferak sortzen ditu Border Community zigilutik datorkigun produktore honek. Biharkoan bere Coloured in memory lana entzungo dugu, sekulako perla elektronika zale guztientzat. Beraz, ez galdu biharko saioa lagunok!!! Bestalde gogoratu 22.00ak alde hortan Arraio fest ospatuko dugula Putzuzulore 4.urteurrenaren barruan, bertan izango homen dira Muno, Gorroto Etxaniz eta baita Chimo Bayo bera ere. Beraz, sekulako gaubelaren atarian aurkitzen gara. ANIMATU!!!
Gernikan eta Iruñean hasiko diren Bertsolari txapelketako kanporaketak Arraio Irratitik entzun ahalko dira beste behin ere.
Azaroaren 21ean, larunbatean eta Gernikako Jai Alai pilotalekuan, Sustrai Colina, Miren Amuriza, Beñat Gaztelumendi, Jone Uria, Igor Elortza eta Jon Martin ibiliko dira norgehiagokan, Bernardo Mandaluniz aurkezle lanetan dela.
Igandean berriz, Azaroaren 22an eta Iruñeako Anaitasuna pabilioian, Amets Arzallus, Aitor Mendiluze, Julio Soto, Iñaki Zelaia, Onintza Enbeita eta Unai Iturriaga jardungo dira, Alaitz Rekondoren gidaritzapean.
Bi egunetan, Info 7 irratiarekin egingo dugu konexioa FMko 99.3an bi saioak entzun ditzazuen.
