Arraio Irratiaren programazioak etenaldi txiki bat edukiko du bihar, Azaroaren 16an, asteartean. Iberdrolako langileek argia kenduko dute Irratia dagoen auzoan eta eguerdiko 13:00etatik 14:30etara ezi izango da irratia entzun. Arratsaldetik ordea, programazioak betiko moduan jarraituko du.
Egilea: human_rights
Aupa jentilaje!
Igande hontan ere ez diogu muzin egingo irratiak ematen digun asteroko aukera honi. Astea “lory” joan da eta kontu asko izango ditugu. Alde batetik Joseba Permach-ekin hitzegiteko aukera izango dugu tfno bitartez Anoetako proposamenan inguruko epaiketaz.
Bestetik, Zarautz zero zabor taldeko kide batekin ere izango gara ia Zubietako ekimen erraldoia nola joan den baloratzeko. Eta beti bezala, errepresioaren beste perla batzukin izango gara.
Ale ba, ondo izan eta igandea 21’00rak arte!!
CNT-ren mendeurrena dela eta Putzuzulo Gaztetxean burutuko diren hitzaldi batzuk Arraio Irratian entzun ahalko dira.
Gaur bertan eta arratsaldeko 19:00etatik aurrera, Andres Ruggerik Argentinarrak emango duen hitzaldia entzun ahalko da FMko 99.3an. Bertan Argentinako Empresa autogestionatuen inguran jardungo da Ruggeri. Honen ondorioz, gaur ez da Munduko Sustraiak irratsaioa eta Kaiolatik irratsaioa entzungo.
Mendeurrenaren baitan burutuko diren beste hitzaldiak ere irratitik emititzen saiatuko gara. Datozen egunetan webgunearen bidez jakin ahalko duzue.
Xiberoa, Lapurdi eta Baxe Nabarreko Bertsulari Xapelketa Arraio irratian entzun ahalko da Azaroaren 13an, larunbatean.
Final handi honetako 8 protagonistak Amets Arzallus, Eneritz Zabaleta, Sustrai Colina, Odei Barroso, Miren Artetxe, Ekhi Erremundegi, Joanes Etxebarria eta Xumai Murua izango dira eta arratsaldeko 17:00etan ekingo diote lehiari. Txapelketako finala gainera, Donibane Lohizuneko Jai Alai pilotalekuan burutuko da.
Info 7 irratiak egingo duen emisio berezia aprobetxatuko dugu guk gure uhinetan final hau jarraitzeko.
Bertsozale guztiek beraz, zita berezi bat duzue Azaroaren 13an, larunbatean, arratsaldeko 17:00etatik aurrera.
Azaroaren 9ko ZarataZarautz irratsaioan, Putzuzulo Gaztetxearen 5. urteurrenaren baitan ospatuko den IV. Zaratafest jaialdiaz hitzegingo dugu.
Aurtengo edizioak 6 talde izango ditu. Bermeoko Powerflip, Beasaingo Fly Shit, Buenawistako Ira et Decessus, Zaragozako Mistkafer eta Criatura eta Bartzelonako Totalickers taldeak hain zuzen ere.
Talde guzti hauei errepasoa egingo diegu asteartean, gaueko 21:30etatik aurrera.