Zarauzko irrati askea
Podcast: Play in new window | Download
Denbora batean gustoko musika jarri gabe egon ostean, Lagun Izoztuaren eta B jaunaren txanda heldu da. Gaurko ZarataZarautz saioan azken aldian lortu ditugun nobedadeak eta klasiko batzuk errepasatuko ditugu.
Gogoratu zita zaratatsu bat duzula FMko 99.3an (Zarautzen bazaude) edo interneten.
Podcast: Play in new window | Download
ZarataZarautz saio berezi bat izango dugu gaurkoan. Berezia, Poloniako taldeei errepasoa egingo diegulako. Eta berezia ere, gonbidatu bat izango dugulako. 4 urteren ostean, lehen emakume ahotsa izango dugu gure ordutegian. Bilbotik etorriko den Victoria edukiko dugu gurean. Beraz, aukera paregabea izango da gaurkoa FMko 99.3a sintonizatzeko. Gogoratu, gaur gaueko 21:30etatik aurrera zita zaratatsu bat duzula Homomilitia edota Post Regimen bezalako taldeekin.
Gogoratu ere, interneteko konexioa konpondu dugula eta entzungai egongo dela ekaitz honek uzten badigu. Internetez entzun nahi baduzue, HEMEN klikatzearekin nahikoa duzue. Telebista ere seguruenik prest egongo da gaur gauerako.
Ba bai, lehengo astean huts egin ostean igande hontan jo ta su aritu ginen. Berriro ere Jardinero, Malintxe eta Edonato bildu ginen eztulka aritzeko.
Eta aspaldiko partez gonbidatu pare bat izan genituen. Alde batetik, Mikel Belarriyo. 8 urte herria utzi zuela eta 5 urte Villepinteko espetxean bahitua izan ostean lehengo asteazkenean iritsi zen herrira. Eta noski, irratiko gonbiteari ez zion muzin egin. Luze eta zabal aritu ginen berarekin. Villepinteko bizi-baldintzak, Mitarra, bixitak, kartzeleroak… Eta noski, ongietorria. Oso gustora aritu ginen, bai bera eta baita gu ere. Eroso. Zoritxarrez, ezin izan genuen grabatu. Alegiya, zuzenean entzun ezin izan zenutenok, IZORRAI!
Mikelekin bukatu ostean Pelorekin mintzatu ginen. Udalbiltza auziaz. Uztilean hasiko den epaiketaren berri eman zigun eta nahiz denboraz larri izan elkarrizketa hau ere oparoa joan zen.
Eta hurrengo igandean…. Pelayo Sanak. Gurekin Jai-ko pare bat kide izango ditugu eta Imanol Lasa zinegotzia ere saiatuko gara hona ekartzen. Ez izan dudarik!!
Besteik gabe…. Adiorik ez!! Hurrengo iganderarte baizik!!!
Ekainaren 8ko ZarataZarautz irratsaioan, Barcelona Käos Compilation bildumari egingo diogu errepasoa. Bilduma hau, Kremon Records zigiluak kaleraturiko 12 hatzbetekoa da.
Bertan, Bartzelonako talde ezberdinen abesti bana irteten da. Hala nola, Mass Mierda, Cinder, Holocaust in your head, Habitacion 101 edota Disputa bezalako taldeak entzun ahalko ditugu gaurkoan. Honez gain, disko bilduma hau aurrera eraman duten lagunekin elkarrizketatxo bat egiten ere saiatuko gara.
Azken aldian arazo teknikoak ditugu irratian eta ez dakigu internet bidez emititzerik izango dugun. Badaezpada, HEMEN duzue internetez entzuteko helbidea, gaur arratsaldean lortzen badugu.
Podcast: Play in new window | Download
Aurreko asteko gonbidatu berbera edukiko dugu ZarataZarautz saioan, Juanma alegia. Lehengo astean, Erresuma Batuko talde askoren errepasoa egin genuen bere biniloekin eta gaur amaituko dugu errepaso hau, bigarren irratsaio bat eginaz.
Gogoratu, Zarautzen baldin bazaude FMko 99.3a sintonizatzea eta bestela internet bidez entzutea. Arraio telebista ere martxan dugula ez ahaztu.
