Press "Enter" to skip to content

Egilea: Ahuntzaren Gauerdiko Eztula

Hondarrak, erlojupeko desjabetze baten kronika

Ahuntzaren Gauerdiko Eztula Ahuntzaren Gauerdiko Eztula
2018-09-30

Podcast: Play in new window | Download

Kaixo Ahuntzok!

Aste honetan gela arroxeraino hurbilduko zaizkigu gonbidatuak, Hondarrak, erlojupeko desjabetze baten kronika (Danda gazte asanblada) dokumentalaren egileak. Irailaren 5ean estreinatu zuten lana Putzuzulon, Zarauzko herri ereduari buruzko eztabaida hauspotu nahian. Denon artean gaiari heltzen saiatuko gara Arraioko mikrofonoetan. Parte hartu zuek ere! (943 86 81 83 telefonoan edo @Ahuntzarraio bidez)

Ohiko atalei helduz, efemerideak eta beste hainbat albiste ere izango ditugu hizpide, eta kurtsoko lehen kolaborazioa entzun ahal izango dugu: Garoa-ko Ibairena. Hori eta askoz gehiago, iganderoko eran, 21:00etan Arraio Irratian! fm 99.3!

 

Beste hasiera bat, Iraultza Txikien Akanpadatik

Ahuntzaren Gauerdiko Eztula Ahuntzaren Gauerdiko Eztula
2018-09-23

Podcast: Play in new window | Download

Kaixo ahuntzok!

Udan atseden hartu ondoren indartsu itzuli gara Ahuntzak. Denboraldi berriko lehen saioan, Zubietan izandako Iraultza Txikien Akanpadara hurbildiko gara, hiru egunez bertan hausnartu, bizi eta konspiratutakoak ezagutzeko, eta gaur erraustegiaren eta makro-kartzelaren lanetara egindako martxaren berri izateko.

Iaz bezala, aurten ere kolaboratzaile eta tarte ugari izango ditugu. Gaur bertan, sorpresaren bat ere bai… Ohi bezala, igandero 21:00etan Arraio Irratian! FM 99.3!

Elkartasun zozketako irabazlea irten da

Ahuntzaren Gauerdiko Eztula Ahuntzaren Gauerdiko Eztula
2018-08-15

Zozketako zenbaki saritua: 8.251. Gaur irten da sariduna.

Turismoaren Munduko Erakundeak maitzean egindako goi bilera baliatuz, herri borroken astea antolatu zuten Donostian hainbat lagunek, dozenaka eragileren babesarekin. Eraikin publiko bat okupatu eta hainbat bilkura eta ekitaldi egin zituzten, eredu kapitalista-patriarkalak eta turistifikazioak herritarrei  dakarzkigun kalteak salatzeko.

Poliziaren errepresioa izan zen beste behin erantzuna: isunak, identifikazioak eta bi zarauztarren atxiloketa, besteak beste. Protesta baketsu batentzat izugarrizko operatiboa jarri zuen Ertzaintzak, eta bertan parte hartzeagatik bortizki kolpatu eta atxilotu zituzten bi zarauztar, era guztietako agintariak Tabakaleran pintxoak jaten ari ziren bitartean.

Irailaren 17rako zitazio bat jaso dute orain, desordena publikoa eta lesioak leporatuta. Donostian aste osoan jasotako isunei eta prozedura horrek ekar ditzakeen gastuei aurre egiteko, mariskada bat zozkatuko dugu Zarautzen, abuztuaren 15ean eta 16an. Musika plazan izango gara 12:00eatatik 21:00etara. Zozketa ostegun iluntzean egingo da Musika Plazan bertan, eta Arraio Irratiaren  bidez jakinaraziko da.

BIZITZA DA HANDIENA!

 

Badatoz festak!

Ahuntzaren Gauerdiko Eztula Ahuntzaren Gauerdiko Eztula
2018-06-17

Podcast: Play in new window | Download

Kaixo lagunok!

Gerturatzen ari zaigula uda! Ekainaren erdialdean sartuta, aste mugitua izan dugu honakoa ere: Altsasukoak aske, pentsionistak… Borrokarekin batera, jaia ere gustuko dugu, eta festen inguruan arituko gara gaurkoan.

Aurten Danda gazte asanbladak hartu du Gurekin Jairen lekukoa, eta Naspelaioen antolaketa nola doan kontatuko digute gazteek. Skapa komisiuaren berri ere izango dugu, iazko gatazkaren ondoren, egitaraua lotzen ari dira-eta dagoeneko! Zelai Ondoko festak ere aipatuko ditugu, gainean ditugu-eta!

Hori dena eta gehiago, igandero bezala, 21:00etatik aurrera Arraio Irratian! FM 99.3!

 

E10 giza katea eta lakaritarrak

Ahuntzaren Gauerdiko Eztula Ahuntzaren Gauerdiko Eztula
2018-06-03

Podcast: Play in new window | Download

Kaixo lagunok,

Gonbidatu ugari izango ditugu gaur gela arroxean. Zarauzko Gure Esku Dago-ko kideak etorriko zaizkigu batetik, ekainaren 10ean erabakitzeko eskubidearen alde egingo den giza kateari buruz hitz egitera. Zarauztik ere pasatuko da, eta azken prestaketak nola doazen jakiteko aukera izango dugu.

Ohiko kolaboratzaile ditugu lakaritarrak ere gurekin izango ditugu, oraingoan mokadutxo bat ere ekarriko omen digute.

Igandero bezala, 21:00etatik aurrera, Arraio Irratian! FM 99.3!