Press "Enter" to skip to content

Egilea: Ahuntzaren Gauerdiko Eztula

Abenduak 6, pentsionistak eta Samai-zuloko sorgiña Ahuntzekin!

Ahuntzaren Gauerdiko Eztula Ahuntzaren Gauerdiko Eztula
2020-12-06

Podcast: Play in new window | Download

Kaixo entuzle!

Gaurko irratsaioa ere berezia izango da. Hasteko, gaur, abenduak 6 izanik, Espainiar inperioak inposatu zigun Konstituzio sakrosantuaren egunaren inguruan herrian antolatu diren ekimenak izango ditugu hizketagai, antolatzaileekin. Ondoren pentsionistak hartuko dituzte gure mikrofonoak, larunbatean burutu zuten manifestazioaren arrazoiak, egungo egoera eta aurrera begira egingo dutenaz aritzeko. Kolaborazioaren tartean Samai-zuloko sorgiña etorriko zaigu, beti bezala, kontu interesgarriekin. Eta ongi amaitzeko, maitasun/gorrotozko efemerideak!

Zer gehiago nahi duzu? Eguraldi ona? Ba hori ezin dugu lortu (oraingoz) baina seguru gure uhin askeek berotuko dutela zure sukalde, egongela edo ohea. Beraz sintonizatu Arraio Irratia FMko 99.3an 21:00etan eta goxaatu zaitezte gurekin!

Euskaraldiaz, azaroak 25az eta Ahoztarrekin Donostiko metroaz

Ahuntzaren Gauerdiko Eztula Ahuntzaren Gauerdiko Eztula
2020-11-29

Podcast: Play in new window | Download

Kaixo entzule!

Igande honetan ere irratsaio interesgarri bat dugu zuentzako. Hasteko Euskaraldiaz arituko gara bertako antolatzeaileekin, ea herrian nola dijoan jakiteko. Ondoren, azaroaren 25ean Zarauzko koordinadora feministak antolatu zuen ekitaldia entzungai izango duzue. Eta kolaborazioaren tartean, Ahoztar Zelaieta gure korruptologoak Donostiako metroaren zulo beltzaren inguruan hitzegingo dugu. Amaitzeko, beti bezala, maitasun/gorrotozko efemerideak.

Galdu egingo duzu? Benetan? Telebista ikusten edo feisbuki begira egongo zara? Mesedez! Piztu irratia eta sintonizatu gaueko 21:00etan Arraio Irratia, FMko 99.3an!!!

Saharaz harro, HURRA SAHARA!

Ahuntzaren Gauerdiko Eztula Ahuntzaren Gauerdiko Eztula
2020-11-21

Podcast: Play in new window | Download

Kaixo entzuleok!

Igande honetan Saharaz arituko gara Ahuntzaren Gauerdiko Eztulan. Hortarako, lehenik Embaren kide sahararra etorriko zaigu gela arroxera, lehen eskutik Marokok abiatu duen ofentsibaren eta honi nola aurre egiten ari zaion jakiteko. Ondoren, gure kolaboratzailea den Iñaki Gil de San Vicenteren txanda izango da, berarekin Sahararen espolio eta okupazio kolonialistaren historia errepasatuko dugu. Amaitzeko, beti bezala, maitasun/gorrotozko efemerdieekin emango diogu agurra irratsaioari.

Hau guztia, zuzen-zuzenean, igande honetan, azaroak 22, gaueko 21:00etatik aurrera FMko 99.3an eta arraio.eus webgunean!

Arraio irratiaren programazio aurkezpena: 15 urtez Putzuzulotik, FM 99.3an!

Ahuntzaren Gauerdiko Eztula Ahuntzaren Gauerdiko Eztula
2020-11-18

Kaixo lagunok!

Hamabosgarren denboraldia ere hasi dugu Arraio Irratian! Nork esango zuen, Lizundia oihal fabrika zaharreko komunera sartu ginenean, honaino iritsiko ginenik. Pandemia, konfinamendua, gure aterpe ere baden Putzuzulo gaztetxearen egoera ziurgabea, gorabehera asko izan ditugu azkenaldian ere, baina hasieratik egin bezala, ez diogu inoiz uhin eta ahots askeak aireratzeari utzi.

14. urteurrena ez genuen nahi bezala ospatzerik izan, eta mugatuta aurkitu gara 15. denboraldia aurkezteko ere. Baina ez gara etxean geratuko. Datorren igandean (azaroak 22), denboraldi berrirako parrilla aurkeztuko dugu herrian: gela arrosean ekoizten ditugun zortzi irratsaioez gain, Orokieta irratia, goiz eta arratsalderoko magazinak, Arrosa sareko beste irratien programak, errepikapenak… Zarautzen ere bada zer entzun!

Berrikuntzarik ez zaigu falta aurten ere. Hainbeste urtez goxatu gaituzten atalkarien lekukoa hartuz, sareko podcast feministak berreskuratuko dizkigu Aho bete hitz… more! irratsaioak, ostegunetan, eta doinu elektroniko eta ez hain elektronikoak iritsiko zaizkigu Bermudatik, ostiraletan. Ohiko edukiek ere jarraituko dute: Bapateko unibertsoa, Galdedebalde, Zaratarautz, Izerditan blai, Ithaka ukatuz, Ahuntzaren gauerdiko eztula… Eta gogoratu, beti bezala, gure mikroak zabalik daudela parte hartu nahi duen guztiarentzat.

Adi egon igandean, beraz, kaletik ibiliko gara eta! Adi belarriak, eskuratu aurtengo zure parrilla eta sintonizatu Arraio Irratia! 15 urtez Putzuzulotik, FM 99.3an!

GKSko kideak, LABeko sozioekonomia arduraduna eta Aitziberren kolaborazioa!

Ahuntzaren Gauerdiko Eztula Ahuntzaren Gauerdiko Eztula
2020-11-14

Podcast: Play in new window | Download

Kaixo entzule!

Iganderako, azaroaren 15erako, beste irratsaio interesgarri bat antolatu dugu. Oraingo honetan, alde batetik Gazte Koordinadora Sozialistako kideak etorriko zaizkigu, beraien antolakundeari buruz hitzegitera. Ondoren Urola Kostako LAB sindikatuko sozioekonomia arduraduna izango da gurekin. Bestetik, Aitziber Saroberen kolaborazioa izango dela baiztatu dezakegu, aurreko astean piper egin ondoren. Eta hau dena gutxi balitz, maitasun/gorrotozko efemerideak ere ez dira faltako!

Galdu egingo duzu? Telebista, webserie bat edo yutube ikusten egongo zara? Mesedez! Gaueko 21:00etan piztu irratia eta sintonizatu FMko 99.3a!