Press "Enter" to skip to content

Egilea: Ahuntzaren Gauerdiko Eztula

Igande honetan umoretik hartzen saiatuko gara koronabirusa, herriko pertsonaiekin solasean

Kaixo entzule!

Konfinamentuak aurrera darrai eta baita Ahuntzaren Gauerdiko Eztulak ere! Ezerk ez gaitu geratzen eta horrexegatik irratsaio eder bat prestatu dugu igande honetarako.

Dagoeneko hainbat ikuspegietatik aztertu dugu koronabirusa eta baita pandemiaren zabalkundeak sortu duen egoera, baina gure umore ikuttua falta zitzaigun. Hortarako, herriko pertsona ezagun batzuekin egin dugu zita, besteak beste Iraia Elias, Patxi Santamaria edota Maite Bastos aktoreak. Beraien gogoeta, pasarte, erreflexio edota kontuekin egoera zail honetan, irripartxo bat sorrarazi nahiko genizueke. Sorpresaren bat ere izango dela aurreratu dezakegu eta agian Edonatoren bixita berri bat ere…

Beraz adi ibili eta sintonizatu FMko 99.3 igande honetan 21:00etatik aurrera!

Eskualdeko ELA eta LABeko kideak eta Iñaki Gil de San Vicente igande honetan

Kaixo!

Ahal dugun bezala, baina iganderoko zitarekin jarraitzen dugu ahuntzok COVID-19ak ekarritako salbuespen egoera ere. Aste honetan LAB eta ELA sindikatuetako kideekin elkarrizketak izango ditugu, Zarauzko eta inguruko berri izateko. Iñaki Gil de San Vicente pentsalari marxista ere elkarrizketatuko dugu, haren ikuspuntua jasotzeko.

Eta noski, ohiko efemeride eta umorerik ere ez zaigu faltako, aste honetan utzi gaituen lagun bati egindako omenaldiaz gain. Gora bihotzak! Igandero 21:00etatik aurrera, Arraio Irratian! FM 99.3!

Koronabirusa, erpin ezberdinetatik aztertuta eta Edonatoren bixita!

Kaixo entzule!

Gaurkoan ere kosta zaigu irratsaioa hastea, gela arroxetik hurruntzen garenean izaten ditugun arazo teknikoak izan baiditugu hasieran. Baina segituan buelta eman eta koronabirusaren zabalpenaren ondorioz sortu duen egoera izan dugu aztergai.

Lehenik Igor, Arraioko entzule fina eta anbulantzietan lan egiten duen kideak beraien egoera zein den azaldu digu. Gero Itziar Murua, zarauzko EH-Bilduko zinegotziaren txanda izan da, herriko egoeraz eta erakunde publikoen eginbeharrez aritu zaigularik. Ondoren Aratz Estonba AKABeko abokatuak berrogeialdia ez errespetatzeagatik ezartzen ari diren isunei buruz hitzegin digu, besteak beste. Eta koronabirusagatik harturiko neurriek gazteei eta langileei nola eragiten dien ere landu dugu Markelekin.

Amaieran Edonato batu zaigu aspaldiko partez! Berarekin efemeride azkar batzuk errepasatu ditugu, beti ere etxeko itxialdiari umore pixkat jartzeko asmoarekin. Entzun ezazue!