Press "Enter" to skip to content

Egilea: Ahuntzaren Gauerdiko Eztula

Grebaren jarraipen berezia Arraio Irratian

Kaixo lagunok!

Arraio Irratiak bat egiten du urtarrilaren 30erako Euskal Herriko Eskubide Sozialen Kartak antolatutako greba orokorrarekin bat. Lan, pentsio, bizitza duina lelopean egin da deialdia, pentsiodun mugimenduaren deiari erantzunez. Grebarekin bat egiteko, kaleko jarraipena eginez eta uhinak okupatuz, irratsaio berezia egingo dugu ostegunean, 10:00etatik aurrera.

Besteak beste, 1.200 euroko gutxieneko soldata, 1.080 euroko gutxieneko pentsioa, lan jardunaldia 35 ordura jaistea, prekarietatea amaitzeko neurriak hartzea eta eskubide sozialak bermatzea eskatuko da, planeta suntsitzen ari den sistema ekonomiko eta sozial kapitalista, neoliberal, patriarkalaren aurka.

OSTEGUNERAKO DEIALDIAK

Zarautzen eta inguruko herrietan ere deialdi ugari antolatu dituzte greba batzordeek. Asteazkenean, kazerolada bat izango da 20:00etan udaletxe plazan. Ostegunean, berriz, egitarau luzea izango da. Bitartean, sindikatuetako kideekin egindako irratsaoia entzun dezakezue.

Greba, greba, greba orokorra!

Bueltan da Ahuntza: greba, greba… greba orokorra!

Kaixo Ahuntzok!

Etenaldi eder baten ondoren, igande honetan itzuliko gara Ahuntzak Arraio Irratiko gela arrosera. Ez gara bakarrik egongo gainera: liburuzainaren kolaborazioaz gain, ELA, LAB eta CNT sindikatuetako kide bana izango ditugu urtarrilaren 30eko greba orokorraren inguruan hizketan. Euskal Herriko Eskubide Sozialen Kartak egindako deialdiaren bueltan arituko gara haiekin. Telefonoa libre izango dugu, beraz, zuen galdera eta iritziei lekua egiteko ere.

Hori dena, igandero bezala, 21:00etatik aurrera Arraio Irratian! FM 99.3!

Igandeko irratsaioan ez ezik, hilaren 30ean ere grebarekin bat egingo du Arraio Irratiak, jarraipen berezi baten bidez. Zarauzko kaleetan gertatzen denaren berri emango dugu zuzenean 10:00etatik aurrera. Denok grebara!

Abenduaren 6ko jardunaldiak

Kaixo lagunok!

Espainiako Konstituzio Eguneko jai egun arrotza salatzeko Zarautzen izandako jardunaldiak ekarriko ditugu gaurkoan Arraioko uhinetara. Gasteizko Etxebizitza sindikatuko kideak izan genituen Putzuzulo gaztetxean, baita Insurgenzia dokumentalaren egileak ere. Haiekin bi elkarrizketa egin genituen, eta udaletxe plazan Mehatxu faxistaren aurrean, antolakuntza lelopean egindako elkarretaratzeko mezua ere jaso genuen. Horrez gain, Samaizuloko sorgina arituko zaigu kolaboratzaileen txokoan.

Hori guztia, gaurko efemerideekin lagunduta, igandero bezala: 21:00etatik aurrera Arraio Irratian! FM 99.3!

Ostiraleko elkarretaratzea. Zarauzko Hitza

Emakumeen aurkako indarkeria aztertuz eta salatuz

Kaixo lagunok!

Gaurko saioan Azaroaren 25eko ekitaldiak hartuko ditugu ardatz, hain zuzen, Emakumeen Aurkako Indarkeriaren Kontrako egunean egiturazko bortxa hori salatzeko egindakoak. Laster *Emakumeen Etxe izango denaren aurrean bildu ziren Zarautzen, eta hango elkarretaratzeko pasarte bat ekarriko dugu batetik. Bestetik, Samara Velte kazetariarekin elkarrizketa egingo dugu, indarkeria matxista eta bortxaren kultura aztertzeko argitaratu zuen Nik sinesten dizut liburuaren harira. Horrez gain, lurraren inguruko kolaborazioa ere izango dugu, gaurkoan, Aitziber Saroberekin.

Hori guztia eta gehiago, ohiko efemerideak tartean, igandero bezala: 21:00etatik aurrera Arraio Irratian! FM 99.3!

Elkartasun eguna, Dispertsioff eta liburuzaina

Kaixo lagunok!

Asteburuan euskal preso eta iheslari politikoekin lotutako ekintzak izan dira Zarautzen eta Orion, eta horien inguruan arituko gara gaur. Batetik, Zarauzko Elkartasun Egunerako Ekaitz Sirventek helarazitako mezua entzuteko aukera izango dugu, eta bestetik, Orioko Dispertsioff ekimenaren antolatzaileetako batekin egindako elkarrizketa. Kolaboratzaileen tartean, Ibai gure liburuzaina arituko zaigu gaurkoan, eta efemeride berezirik ere ez dugu faltako.

Igandero bezala, 21:00etatik aurrera Arraio Irratian! FM 99.3!