Press "Enter" to skip to content

Kategoria: Zebrabidea

Oihan Larrañaga: “Pete Seeger mugarria izan zen AEBetako folk musikan eta herri mugimenduetan”

Bizitza osoa eskaini zion Pete Seeger musikariak kantak bildu, moldatu eta sortzeari, eta horrek bihurtu zuen AEBetako folk musikaren berpizkundearen ikur eta mundu osoko protesta abestien erreferente. Haren zenbait kanta kanta moldatu ditu orain Lou Topet taldeak, eta omenaldia eskainiko dio martxoaren 26an, Loraldia jaialdiko programaren barruan, Bilboko Arriaga Antzokian.

Harkaitz Cano idazleak euskaratu ditu abestiak, eta gonbidatu sorta ere izango da taldearekin batera oholtzan. Ba moldaketa horretaz xehetasun gehiago ekartze aldera, Zarauzko Arraio irrati libreko lagunek hitz egin dute Lou Topeteko Oihan Larrañagarekin.

Zarahitzek datozen egunetarako antolatutako ekintzen berri, Arraio irratitik

Badira hainbat hilabete Euskal Herriaren burujabetzari buruzko galdeketak egiten ari direla han eta hemen. Datorren udaberrirako ere eskualde bat baino gehiagotan dago zita jarrita: martxoaren 19an, Oarsoaldeko eta Tolosaldeko herrien txanda izango da, eta maiaatzaren 7an, berriz, Urola-Kostako herriek hartuko dute lekukoa. Bigarren eremu horretara begira jarri eta Zarautzen herri galdeketa sustatzen ari den taldeak aurreikusitako ekintzei erreparatu diegu irratien tartean. Arraio irratiko lagunek hitz egin dute Zarahitz taldeko Urki Muguruzarekin.

“SUITZAN JASOTAKO INFORMAZIOAREKIN EHN ZERBAIT EGIN NAHI DUGU”

2013an musika taldea sortu eta lehenbiziko kontzertua Suitzan eskaini zuten Occhi di Farfallakoek, eta herrialde horretara itzultzeko aukera izango dute egunotan. Euskal Herriko Bilgune Feministarekin batera, emakume preso politikoez lau hitzaldi eta bost kontzertu eskainiko dituzte bertan. Hori guztia, Free Nekane plataformak eta Bilgune Feministak antolatu dute Suitzan preso dagoen Nekane Txapartegi euskal preso politikoaren aldeko elkartasun biraren barruan. Horren harira, Zarauzko Arraio irrati libreko lagunek hitz egin dute Occhi di Farfallako bi kiderekin.

Occhidifarfalla_tour_15-07_0047TXIKI

BEGOTXU OLAIZOLA: “GALESAK KEZKATUTA DAUDE BREXITAREKIN, ZOKORATUAGO GERATZEKO BELDUR DIRA”

Urteak dira euskal komunitatea eta Gales harremanetan daudela, horrez gain, gaurko elkarrizketaren tartera batu den Begotxu Olaizola bizi izan da Galesen, hizkuntza gutxituen bueltako egitasmoetan lanean.

BegotxuOlaizola

Egunotan, euskal astea ospatzen ari dira Galesen, bi komunitateen arteko lotura horri tiraka, eta Zarauzko Arraio irrati libreko gela arroxarekin bat egin dugu, hango lagunek egin baitiote elkarrizketa Olaizolari.

IRRATIAK IRRATIA: Arraiokoen telefono txantxa Atariako Iñigo Terradillosi

Azaroak 25. eguna du gaur, azken ostirala da, beraz. Gogoan baduzue, irailean hileko azken ostiraletako tarte berria estreinatu genuen. Irratiak irratia izenez bataiatu genuena eta esan genizuen hilero hilero, Arrosa sareko irrati bateko lagunek beste irrati batekoei elkarrizketa egingo dietela, eta geure sarean elkar ezagutzeaz gain, irratiak eurak ezagutarazteko helburua dugula. Irailean, Antxeta irratiko Aitziber Zapirainek Zarauzko Arraio irrati libreko Marlen harrapatu zuen telefonoz eta irrati barneko zenbait txutxu-mutxu atera zizkion.

Cm1IaJyXEAAoOle

Urrian huts egin genuen, baina iraileko elkarrizketatuei azaroko elkarrizketatzaile izatea egokitu zaie azaroan, eta entzun Arraio irratiko Uxoak zer galdetu dion Arraio irratiko Iñigo Terradillosi.