Press "Enter" to skip to content

Kategoria: Irratsaioak

Historiko bikain bat gaurkoan Izerditan Blai saioan

izerditan blai izerditan blai
2010-10-13

Iepa kaxo!!
Hemen gara berriz ere, bi saio eginak ditugu baina web orria estreinekoz erabiliko dugu denboraldi honetan. Gaurko saioan betikolez emaitza andana izango ditugu, areto futbola, saskibaloia, errugbia, futbola, eskubaloia…

Normalean aipatzen ez ditugun bi kirol ere aipatuko ditugu, halterofilia eta squasha, sail hauek dituzten berriak zeintzun diren azalduko ditugu. Surfari ere tarte bat eskeiniko diogu Portugal aldean jokatu den txapelketan gure surfistak nola ibili diren jakiteko.

Azkenik historiko bat dakarkigu gaur gure irratira, bat formulan hamarkada batez ibili den irlandara, Eddie Irvine hain zuzen. Bere bizitza pribatua eta profesionalaz jardungo gara gaur luze eta zabal Izerdian Blai irratsaioan. Beraz badakizu hau dena galdu nahi ez baduzu sintonizatu Arraio Irratia gaur 20.00tatik aurrera FMko 99.3an!

Eddie Irvine

Acidez bildumaz jardungo gara ZarataZarautz irratsaioan

human_rights human_rights
2010-10-11

Urriaren 12ko ZarataZarautz irratsaioan, Acidez izeneko CD bildumaz jardungo gara. Mundu guztiko hainbat talde ezberdinek kaleraturiko bilduma da hau eta gure ordu eta erdiko saioan hizpide edukiko dugu.

Honez gain, Izu Giroa fanzineari ere errepasoa egingo diogu eta ohiko kontzertu agendari begirada bat emango diogu. Guzti hau, gaueko 21:30etatik aurrera, Arraio Irratian.

21mrn9v.jpg

Marc houle-ren inguruko saio berezia gaurkoan

elektrope elektrope
2010-10-08

Iepa kaxo!!! Ba bai, Marc houle kanadiarra bihar Euskal Herrian izango dugu. Eta nola ez, Kaiolatik-en tarte berezia egingo diogu M-nus zigiluko dj-ari. Horrez gain Rodriguez jr frantziarraren doinu berriak izango ditugu entzungai, eta nola ez, saioa klasiko handi batekin bukatuko dugu, beraz badakizue, 20.00-tatik 21.00-etara sintonizatu Arraio Irratia. UP THE KAIOLS!!!

Irailaren 28an hasiko da ZarataZarautzen denboraldi berria

human_rights human_rights
2010-09-27

Irailaren 28an, ZarataZarautz irratsaioaren denboraldi berriari ekingo diogu. Udako oporraldien ostean, pilak kargaturik itzuli dira B Jauna eta Lagun Izoztua. Saio berrietarako gainera, beste esatari bat elkartuko zaie, Krispin alegia. Beraz, bikote izatetik, hirukotera pasako da saioa.

zarata_txiki1.JPG

Denboraldiko lehen saiorako, 8. Etengabeko Zarata izango dugu hizpide. Bi eguneko jaialdi honetan jardungo duten taldeen inguruan mintzatuko gara eta honez gain, udan zehar izan ditugun kontzertuez eta Urrian zehar gure inguruan izango diren kontzertuen inguruan ere mintzatuko gara.

Guzti honengatik, ez ahaztu astearte honetan zita bat duzula zaratarekin, gaueko 21:30etatik aurrera.

http://www.arraio.eus/deskargak/2010/ZarataZarautz/10-09-28