Press "Enter" to skip to content

Kategoria: Ithaka Ukatuz

Cumbiaren erritmora

Indarrez eta ilusioz datorkigu Saioa Etxeberria gurera, Kolonbiara egindako bidaiaren inguruan solasteko asmoarekin. Horrez gain duela bi urte telebista saio baten ondorioz egindako bidaia gogoangarri baten inguruan ere arituko gara.

Emakume borrokalaria eta energia handikoa izanik, bere istorioak entzuteko irrikatan gaude eta horiek asteazkenero bezala Arraio Irratian izango dituzue 21:30ak jotzearekin batera.

Txapela buruan ta ibili munduan!

Irratsaio ezberdin baten aurrean gaude gaurkoan. Gela arroxean izango dugun gonbidatuak esan daiteke denbora gehiago pasatzen duela munduaren ertzak bisitatzen bere Aia kuttunean baino.

Xabi Azpiazu ez da geldirik egoteko pertsona, eta gaurko saioan ere batetik bestera eramango gaitu, orain arte burutu dituen hainbat bidaia jorratuko dituelarik. Ziur guztiak ukitzeko denbora ez dugula izango, baina lur hartzen dugun txoko bakoitzeko hainbat bitxikeria ezagutuko ditugu.

Zuen belarriekin kontatzen dugu 21:30tatik aurrera Fmko 99.3an.

Hegaldia norabidez aldatzen da gaurkoan

Kaixo-kaixo!!

Eguzkiz beteriko otsaila amaiera honetan herria turistaz betetzen hasi zaigula… Eta horiei lekua utzi nahian guk ere ospa egiten jarraituko dugu asteazkenero lez.

Azken hilabetean Ithakako entzule finak Asia aldean barneraturik ibili gara, baina bagenuen gogoa itsasoa berriz ere beste alderantz gurutzatzeko. Gaur Nadhet Arruti oriotarra izango dugu beka baten bitartez Ekuadorren pasatako urte ederra gure artean errepasatzeko asmoarekin.

Ez galdu aukera 21:30ak aurrera emakume abenturazale honen esperientziak Arraio Irratian entzuteko!

Irla berezia sukaldari baten begietatik

Aste honetan Mikel Badiolaren bisita jasoko dugu gela arroxean. Urte asko eman ditu atzerrian gure sukaldari finak, eta gabon inguruan etxerako bidea hartu zuen, nahiz eta denbora askorako izango ez den. Berriz ere gure herri maitea utzi aurretik, kanpoan izandako bizimodua kontatzera hurbilduko zaigu.

Ziur bere bizitzeko gogoa eta kemena irratiko uhinen bidez zuengana iritsiko dela, beraz ez galdu gaurko irratsaioa FMko 99.3an 21:30etatik aurrera.

Herrialde ezberdin batengandik ikasten

Bagatoz gaurkoan ere abentura berri batekin, eta horretarako gurean Uxoa Irigoien getariarra izango dugu bere positibismo guztia gugan txertatzeko asmo osoarekin.

Kasu honetan Tibeten izan zituen esperientzia ezberdinak partekatuko ditu gurekin eta herrialdearen egoera politiko tamalgarria ere errepasatuko dugu.

Bidaia miresgarri bat emakume bizi eta zinez interesgarri batekin elkartzen denean zer gertatzen den jakin nahi baduzue badakizue zer egin… sintonizatu Arraio Irratia 21:30etan puntu puntuan!!