Press "Enter" to skip to content

Kategoria: Berriak

Juanma egongo da berriz ere ZarataZarautz irratsaioan

Beste astearte zaratatsu bat iritsi zaigu eta gaurkoan ere gonbidatu berezi batekin egingo dugu. Gaurko ZarataZarautz irratsaioan, Juanma edukiko dugu berriz ere bere gustoko biniloak jartzen.

Gaurkoan ordea, Lagun Izoztuaren baja sumatuko da Arraio Irratiko uhin libreetan, ea nola joaten zaien…

Eta gogoratu iada internet bidez entzuteko aukera dagoela HEMEN klik eginaz.

Tximas Askatu!!!

Asteartean albiste txar batekin jaiki ginen: Itxaso eta Tximas atxilotu zituzten;
Vista Alegreko auzoa Guardia Zibilak hartuta zuen, Ziburun ere Gendarmeak ari
ziren mihaketetan… Momentu hartan egonezina eta ezina nagusitu ziren, eta
eguna aurrera joan ahala, larritasun hori harridura eta haserre bilakatzen joan
zen, atxiloketari buruzko informazio jasotzen genuen heinean.

Albistegiak eta titularrak bete dituzte telebistan, irratian eta prentsan, baina
hedabideetan azaldu dituzten bi pertsona horiek ez ditugula ezagutzen iruditzen
zaigu. Horiek ez dira guk ezagutzen ditugun Tximas eta Itxaso. Eman dituzten
deskribapenek ez dute guk gure lagunetaz genituen irudien antz handirik.
Propaganda politikoa martxan jarri da eta honek ez du barkatzen.

Guk, hala ere, ez diogu honi sinesgarritasunik ematen. Izan ere, atxilotu
berri dituzte bi gazte hauek azken urteotan gurekin batera lanean jardun
diren lagun horiek besterik ez dira. Hor egon dira asanbladetan, beraiekin
batera eztabaidatu eta hartu ditugu erabakiak; gure ondoan egon dira kalera
atera garenean; batera ibili gara baita parrandan ere… Bi lagun hauen lanak
eragin nabarmena izan du gaur egun Zarautzen ditugun hainbat proiektu eta
espaziotan: Gaztetxean, Gazte Asanblada,Arraio Irratian edo Txosnetan esate
baterako.

Komunikabideek iada epaitu eta kondenatu dituzte, jende askok ere sinetsi ditu
hauei buruz esan diren gezur guzti-guztiak. Guretzat, ordea, gure aldamenean
lanean jardun diren bi lagun horiek izaten jarraitzen dute, eta gertatzen denak
ez du haietaz dugun iritzia aldatuko. Horregatik, besarkada bat bidaltzen diegu
Itxaso eta Tximasi, baita beraien senitarteko eta lagun guztiei ere.

Sinatzaileak:

Putzuzulo Gaztetxea
ZAGA
Arraio Irratia
Gazte Independentistak
Bilgune Feminista
Gurekin Jai Batzordea
Sorginak
Zaratazarautzeko musika taldeak
Bina-bina antzerkia

2010eko Kopla Txapelketa ere entzungai dago

Zarauzko Putzuzulo Gaztetxean urtero bezala ospatu zen Kopla Txapelketa entzungai dago iada. Gogoratuko zareten bezala, Euskara astearen barruan ospatzen den txapelketa hau, Abenduaren 10ean izan zen eta sekulako jendetza elkartu zen bertan. Aurtengoan gainera, Amets Arzallus izan genuen irabazle.

Arraio Irratiak, urtero bezala zuzenean emititu zuen saio hau eta orain sarean duzue oso osorik entzun nahi baduzue. Podcastean klik egin besterik ez duzue:

Kaiolatik 2011 : Round 2

Iepa kaxo!!! Gaurko erasoa ere prest dugu!!! Urte hontako bigarren saio honetan, CORA NOVOA espainiarra ezagutuko dugu. Doinu melodiko finak egiten dituen neska honek, Alemaniako lekurik mitikoenak ere berotu ditu bere doinuekin, esate baterako Berlingo BERGEIN mitikoa. Ala ere berria da Kaiolatiken, beraz guazen gaurko bidaian bera ezagutzera. Eutsourrei eta Bidaiatu gurekin!!! Aupa Itsaso ta Tximas!!!

Lehen audioak prest ditugu entzun ahal izateko

Gure zerbitzari berriko konfigurazioak pixkanaka pixkanada bere lekuan ipintzen ari gara eta iada igotzeko genituen irratsaio eta audioak igotzen hasi gara. Hemen dituzue igo lehen audioak.

Lehena, Arranopola Kultur Taldeak, Abenduaren 2an Arrano tabernan antolatu zuen Floren Ahoizen hitzaldia da, “Nafarroa – Euskal Herria: oraina, iragana eta geroa” izenekoa.

Bigarrena berriz, Putzuzulo Gaztetxean Abenduaren 22an Joseba Ariznabarretak politikaren inguran eginiko hausnarketa bat da.

Eta amaitzeko, Zarautz 0 Zaborrek Oteiza Lizeoko aretoan Abenduaren 16an antolaturiko hitzaldia dugu. Bertan birziklapenaren arduraren inguran hitzegin zuen Pello Zubiriak.

Datorren asteetan zehar gainontzeko hitzaldi eta audioak igotzen saiatuko gara, hortaz, pazientzia pixka bat edukitzea eskatzen dizuegu.