Press "Enter" to skip to content

Egilea: ithaka_ukatuz

Denboraldi berriari “Kuba”ko istoriekin emango diogu hasiera

Bai entzule maiteok, berriz ere hemen gara, eta inoiz baino gogo gehiagorekin gainera! Aste honetan Kubara omen goaz Manu eta Kaxperrek bertan izandako esperientzia ezagutzera, baina izenburuan agertzen diren kakotxak zer esan nahiko dute?

Adi egon eta ez galdu aste honetako irratsaioa, ezusteko ugari izango baititu! Fmko 99.3an 21:00tatik aurrera!! Aurtengoan 21:00TAN!!!

Non da ITHAKA?

Erraz irudika dezakegu Ulises, Ithakara itzulitakoan, Peneloperen musua jaso ondoren, bidaia laburrik ez dagoela esanez. Gurea kasuan azaroan hasitako bidaia ez da motza izan, luzea eta zabala esango genuke, baina gaurkoan geldialditxo bat egitea tokatzen zaigu. Udako oporraldiak ate joka ditugu eta tarte batez uhinetatik aldenduko gara. Ziur atseden honen ostean indar, istorio eta abentura pila batekin itzuliko garela!

Denboraldiko azken irratsaioan etxe giroan arituko gara, Cousteau jaunak Willy Fog elkarrizketatuko baitu, azken honek ezagutu dituen munduko txoko berezien inguruan jardungo direlarik.

Gurekin nahi zaituztegu ikasturte amaiera honetan, ziur Cousteau jaunak estuasunetan jartzen duela Willy. Mila esker denboraldian zehar gurekin izandako gonbidatu guztiei eta nola ez zuei, gure entzule finei! Beti bezala 21:30etan Arraio Irratian!

Aste hontan geldialdia

Bidaia askotan tuneletatik pasa behar dugu, eta aste hontan zuen esatari maiteei hori gertatu zaie. Beraz, aste hontan ezin izango dugu saioa egin. Hurrengo asteazkenean elkartuko gara berriz!

Saharako taupadak bizkortzen

Afrikako iparraldera goaz gaurkoan, basamortu erraldoi bat bisitatzeaz gain bertako egoera ezagutzeko aukera emango digutelarik Mireia Aizpuruk eta Onintza Olaizolak.

Ez ziren biak elkarrekin izan, baina munduko txoko berezi honetako bizipenak amankomunean jartzeko asmotan datoz! Bakoitzak bere ikuspuntu propioa eskainiko digu, eta aniztasun horretatik espero dugu zuek entzule maiteak aterako zaretela irabazten.

Ez huts egin Ithaka zaleok 21:30etan asteazkenero daukagun zitara!

Gastronomiaren baitan bidaiatzen

Etxetik atera eta beste ingurune batzuk ezagutzeko edozein aitzakia omen da ona, eta gaurkoan  Nagore Gutierrez eta Eneko Arregi “Konpik” sukaldeko usainei jarraituz abentura ezberdin bat proposatuko digute.

Munduan zehar galduta dauden ertz ezberdinak batera ezagutzeko aukera izan du bikote paregabe honek, eta leku horietan izandako esperientzia kulinarioak gurekin elkarbanatuko dituzte.

Uhinen bitartez jaki goxo horien usaina zuen etxeetara bidaltzen saiatuko gara, beraz asteazkenero bezala 21:30etan puntu puntuan gurekin nahi zaituztegu Arraio Irratian!