Press "Enter" to skip to content

Hilabetea: iraila 2018

Hondarrak, erlojupeko desjabetze baten kronika

Ahuntzaren Gauerdiko Eztula Ahuntzaren Gauerdiko Eztula
2018-09-30

Podcast: Play in new window | Download

Kaixo Ahuntzok!

Aste honetan gela arroxeraino hurbilduko zaizkigu gonbidatuak, Hondarrak, erlojupeko desjabetze baten kronika (Danda gazte asanblada) dokumentalaren egileak. Irailaren 5ean estreinatu zuten lana Putzuzulon, Zarauzko herri ereduari buruzko eztabaida hauspotu nahian. Denon artean gaiari heltzen saiatuko gara Arraioko mikrofonoetan. Parte hartu zuek ere! (943 86 81 83 telefonoan edo @Ahuntzarraio bidez)

Ohiko atalei helduz, efemerideak eta beste hainbat albiste ere izango ditugu hizpide, eta kurtsoko lehen kolaborazioa entzun ahal izango dugu: Garoa-ko Ibairena. Hori eta askoz gehiago, iganderoko eran, 21:00etan Arraio Irratian! fm 99.3!

 

Gari Uranga eta Onintza Olaizola denboraldiko lehengo saioan

izerditan blai izerditan blai
2018-09-26

Podcast: Play in new window | Download

Kaixo entzule maite!

Opor luzeen ostean berriz ere gela arroxera gatoz Izerditan blaiko kideak. Ordutegi klasikora bueltatu gara, hau da, asteazkenetan 20.00tan hasiko da gure saioa zuen pintxopotea girotzeko asmoarekin. Erasmuseko txangoaren ostean Asier Aranguren ere itzuli zaigu bekario postua utzi eta nomina ofizialean sartu delarik.

Berritasun hauek aipatu ondoren jakin entzule maite arraun kontuak izango ditugula mintzagai gaurko saioan. Batetik Kontxa eta Liga irabazi dituen Onintza Olaizola, San Juaneko arraunlaria eta bestetik Gari Uranga ZAEko entrenatzailea. Biekin denboraldiak eman duenaz arituko gara eta nola ez, hurrengora begira ere jarriko gara.

Beraz badakizu, saio hau ez galtzeko, sintonizatu Arraio Irratia FMko99.3an 20.00tatik aurrera!!

Beste hasiera bat, Iraultza Txikien Akanpadatik

Ahuntzaren Gauerdiko Eztula Ahuntzaren Gauerdiko Eztula
2018-09-23

Podcast: Play in new window | Download

Kaixo ahuntzok!

Udan atseden hartu ondoren indartsu itzuli gara Ahuntzak. Denboraldi berriko lehen saioan, Zubietan izandako Iraultza Txikien Akanpadara hurbildiko gara, hiru egunez bertan hausnartu, bizi eta konspiratutakoak ezagutzeko, eta gaur erraustegiaren eta makro-kartzelaren lanetara egindako martxaren berri izateko.

Iaz bezala, aurten ere kolaboratzaile eta tarte ugari izango ditugu. Gaur bertan, sorpresaren bat ere bai… Ohi bezala, igandero 21:00etan Arraio Irratian! FM 99.3!

ZarataZarautzen denboraldi berria hastear da

arraio arraio
2018-09-17

Podcast: Play in new window | Download

ZarataZarautz saioaren denboraldi berria aste honetan hasiko dugu. Asteartero eta 21:30etatik aurrera ohiko hirukotea izango gara saioa egiten.

Aste honetan, udan lorturiko harribitxiekin osatuko dugu saioa. Obediencia, Satelite, Kaleko Urdangak eta beste hainbat talde entzun ahalko dituzue, agenda zaratatsua ahaztu gabe.

Denboraldi berriko lehen saioa entzungai duzue. Playlista berriz HEMEN.