Datozen hiru asteetan ez da ZarataZarautz irratsaiorik izango, oporraldi txiki bat egingo dugu eta. Ondorioz, Irailean itzuliko gara pilak kargaturik zuen belarriak zulatzera.
Hilabetea: abuztua 2009
Abuztuaren 7an, ostiralean, arratsaldeko 20:00etatik aurrera 5. Arraio Blues gaua ospatuko da Gaztetxean. Arraio irratiko Arraio Blues irratsaioak burutzen dituen kontzertu akustiko honek 5. edizio bat izango du iada. Eta 5. edizio hau burutu zuten lehen kontzertuaren forma berdina izango du, hau da, kontzertua Putzuzuloko terrazan burutuko da arratsaldeko 20:00etan. Eta batenbatek afaldu behar duenaren aitzakia jartzen badu jai dauka, egun horretarako Arraio irratiko kideek luntx begetariano bikain bat prestatuko dutelako.
Bertan, lehen Arraio Blues gauean jo zuen Gartxot bakarlaria arituko da. Orain dela ez asko, Zubietan burutu zen Erraustegiaren aurkako jardunaldietan aritu zen eta Zarauzko lagun batzuk ikusteko aukera izan genuen. Galdu ezinezko kontzertua!!!!
Gartxotekin batera, Meren Bizkaitarrak joko du. Kantu klasikoen moldaketak burutzen ditu humore ikutu elegante batekin.
Podcast: Play in new window | Download
Abuztuaren 4ean egin genuen ZarataZarautz irratsaioa Irailerarte egingo dugun azken irratsaioa izan zen. Opor txiki batzuk hartuko ditugu eta. Bertan, aste honetan egongo diren kontzertuez gain eta Igandean aurkeztuko den diskaz hitzegin genuen.
Honez gain, gustoko talde elegante batzuk ere entzun genituen. Egun horretako Playlista HEMEN duzue. Irratsaioa entzuteko berriz, hemen azpian duzue:
Abuztuaren 4ko saioan, belarriak zulatzera itzuliko gara ZarataZarauzkoak. Aste honetako irratsaioan, Abuztuaren 5ean eta Abuztuaren 10ean burutuko diren kontzertuen berri eta joko duten taldeen informazioa emango dugu. Kontzertu hauetan, Inor Ez, Dictadura, Ezereza, Short Fuse, Born Dead edota Etacarinae bezalako taldeak joko dute.
Honez gain, Abuztuaren 9rako prestatua dugun sorpresaz ere hitzegingo dugu. Guzti hau gaur, asteartea, gaueko 21:30etatik aurrera izango da.
Beste behin ere, ZarataZarautz irratsaioko kideen eskutik, Inor Ez, Dictadura eta Short Fuse taldeak ikusteko aukera izango dugu, abuztuaren 5ean, asteazkenean.
Inor Ez Zarauztarrak, Estatu Espainiarrean ibili dira egun batzutan kontzertuak eskeintzen eta Zarautzen emango duten hau bira txiki honen amaierako kontzertua izango da. Dictadurakoek berriz, beraien bigarren kontzertua eskeiniko dute. Uztailean, Getariako Gaztetxean ikusteko aukera izan genituen Limp Wrist eta Face Up To It taldeekin batera. Metralleta, Ezereza edota Afonia bezalako taldeetako partaideez osaturiko taldea dugu honakoa. Putzuzuloko oholtzara igotzen azkenak izango direnak, Short Fuse alemaniarrak dira. Alemaniarrak Europar biran dabiltza eta Euskal Herrian emango duten kontzertu bakarra honakoa izango da. Kontzertua, 20:30etan hasiko da.