ArNAStu nazazu maitatzeko Bihotza ireki dizut harekin zu besarkatzeko bi hots oihartzun batean zuk hobeki entzuteko M.Z esateko... ...sentitzeko! Ta bularra uzten dizut haurtzarora itzultzeko ta harekin jolastean inozentzia tarteko zure maitasuna... ...sentitzeko! Muxu bat eskatzen dizut harekin zu dastatzeko zure bi begiak parean betileak miazkatzeko maite zutaz... ...gozatzeko! maitasuna arnastuz bizirauteko arnastu nazazu maitatzeko! Neurea neurea Ni ez naiz inorena, ez dut inor aukeratu nahi, ez dut inork ni hautatzerik nahi. Ni, izatekotan, maite nauten eta maite ditudan guztiena naiz, eta horregatik naiz, bereziki, neure neurea. LorE BaT Lore bat izan nahi nuke gaua iristean petaloak itxiz zu besarkatu ahal izateko goizeko lehen eguzki izpiak esnatze gaituen arte! ZuREtzako Denbora tarte bat hutsunean, zuretzako. Zuretzako besarkada bat, besarkada bat zuentzako. muxu bat zuretzat, zuentzat Begiak itxi eta sentitu, sentitu nire irrifarra, indarra. Distantziak agortu, eta gozatu. Begira nazazu, oroitu nazazu eta berriz biziko dugu momentu goxo bat hutsunean, denborak ezarritako hutsuneak betez. AMArauNA Armiarma bezain jostun ona izan nahi nuke behin hala bihotzean ireki zitzaizkidan zauriak ondo josteko. GalDUTa PerdIDOS Nahiago nike telebistari begira baino nire begietara begira galduko bazina! NoLA ESAN ba Nola esango diat bada, hire enbidoek urduritzen nautela. Urduritzen nautela mus partidetako zure begirada eztitsuek. Eta behatzak dantzan ipintzen zaizkidala tantoekin batera, aurrera eta atzera, nora ezera! Nola uko egin tximeletak bistaratzen dituzten begiratu horiei! Nola esan gustoko zaitudala ez naizenean oldartzen zure begietara! Eta orain ere, konturatzerako aldegin zara! Orain ere ezin esan gustoko zaitudala! Orain ere... aixxx berandutu zaidalaaaa... Ametsetan, mozkorkeritan hona eta hara... baña gaur ere nire ondoan zu falta zara! baña nire kontzientzian zabiltz tanto bat bezala musik EZ! Muxuak... beharbada maitasunari ordagoa botatzeko ordua bada! DESPISTATUON GAFEAK! Pentsatuta neukan guztia. Ia guztia... Etxea guretzat genuen. Katua eta txakurra konpainia egiteko prest. Maindire berriak, poltsa beroa eta kazike boteila prest. Kalean afaldu genuen, nik hain gustoko nuen herri txiki horretan. Sentimenduak biltzen zaizkidan leku horretan. Oraindik ez dut ezagutzen bertan jatetxe begetarianorik, baina tira egun hura haragia jateko erreserbatuta neukan. Oilaskoa patatekin. Iztar bakoitzari hozkadada ematen nion bakoitzean, zureak imaginatzen nituen eta tximeletek astoratzen zuten nire tripa. Begiradak gurutzatzen zitzaizkigun begi ninien dirdira artean. Luze hitzegin genuen, biok gara eta hiztun xamarrak. Hitzegin genuen musikaz, okupazioaz, palestinaz eta latino amerikaz, ardo boteilak gure masailak gorritzen zituen bitartean. Postrerako txokolatezko pastela eskatu genuen, eta txokolatezko irrifarra zetorkidan zure gorputz biluzia oroitzean; gozoa eta goxoa. Azala azalaren kontra, ahhh... ederra! Kotxea hartu eta etxerat abiatu ginen. Ilargi beteak inguruko paisaia argiztatzen zuen. Mendi eta larreak elurrez bustiak. Eta etxera iritsi orduko, zure ezpainetan busti nituen neureak, zure gorputzean urtu nintzen, txokolatea bezala, gozo eta goxo-goxo. Gitarraz jardun ginen kantuan, kuba-kazike boteilak azken arnasa hartu zuen arte. Orduan oheratzeko ordua iritsi zen. Eta gitarra jotzen jarraitu nahi nuenez,honen ariak bailiran laztandu nizkizun ileak. Ilargiaren argipean, dastatu zintudan, goitik beheraino, behetik goraino, azken egunotako desira eutsiari bide emanez. PENTSATUTA NEUKAN GUZTIA, IA GUZTIA... baina despitatua izaki, ahaztu zitzaidan, ahaztu beste despistatu bat nuela ondoan. Egunez nahasi zinen, eta ilargi betea bakarrik geratu zen gure zain, Ernioko magalean. ORBELPEAN Otso beldurgarrienak ere ardi zuri dira zure bularraren babesean Taupadak lehertzen zaizkit zure gorputza besarkatzean Biluztu nazazu goxoki zure hatsaren ahapean Estali nazazu orbelez gauaren ilunean ilargiaren argipean... ...askatasuna sentitu dezadan zure begietara so egitean Ederra zara! Neska ederra iruditu ninduzun... ederra irrifarrea... izakera ederrekoa! Ederra izan zen elkarrekin hartu genuen lehen tragoa ederra elkar tragoz irentsi ginenekoa! Ederra lehen gau hura, haurrek margotutako eguzki traketsak, zure algarak, nire irria... Ederrak izan dira zure besarkadak zure musuak. Ederrak baita, piztu ditugun borrokak, loratu ditugun lili moreak. Ederra izaten jarraituko duzu beti niretzat, berdin dio Gasteizen, Indian, Mexikon hala Madrilen. Ederra izan baita zu ezagutzea, eta ederra izanen da zu maitatzea! ABCDEF... Harremantze faseak A ametsetan B baba dayola D dudak E erabakiak (hartu behar bizitza horixe da eta...) F finikito AmeTS Eta gaur zurekin egin dut amets. Amets lotan, amets esna. Amets zure begietara begira. Betile luze horien azpian gordetzen den begirada eder horri begira. Eta zure ondoan egote hutsarekin urduritu naiz, kuleroak bustitzeraino. Irribarre urduriaren preso, zuri so gozo-gozo, eta begiei malkoak lez, ezpainei lerdea jarioz. Zure ondoan eta zu ukitzeko desiatzen. Desiatzen zu laztantzeko, muxukatzeko eta gozatzeko. GAUR BESTE EGUN BAT DA, gaur aspaldiko irrifarre inozo berarekin itzuli naiz lanera. Ametsetan... eta ametsak EGI bihurtuko balira...ahhhhhhh! Balantzaren beste aldea! Maiz bilatzen dugu balantzaren beste aldea, bila gabiltzala jakin gabe. Eta hala aurkitu ditut nik ixilune goxoak izara azpian. Soilik zure harnas hotsa, zure besarkada estuak lagunduta. Hala aurkitu dut, bihotz taupadak biderkatu bezala hauek baretzen dizkidana. Lasaitasuna pertsonan, bi begiraden arteko patxada. Ezer egin gabe gustora egoteko arrazoi bat, soilik sentitu, soilik gozatu!!! Bihotzaz Bihotza lur eremu zabalegia da jabe bakar bat izateko. Bihotzaz II Bihotza esku askoz zaindu beharreko lur eremu zabala da. Eskuren batek baja hartuta ere, inoiz ez idortzeko. Bihotza lur eremu emankorregia, preziatuegia da, Patriarkatuaren eskuetan ahitzeko. Alez, Ale... Goitik behera, behetik gora. Alez ale irentsi, alez ale dastatu Hamabiak pasata ere jolasean jarrai mingaina berdetu arte lehertu arte mahats sorta hau zure gorputza bailitzan gozatu!! XXX... Amets tanta bat izan nahi nuke zure besoetan, izerdi tanta bat zure azalean irristatuz Irrist azalean eta ezpain hezetan tupust! zAngAlAtrAbAtu! Eta izarapean gurutzatu genituen zangoak zangalatrabatzera jolasteko... Gorputz adierazpenaren artez, azalaren ukimen leunez forma geometriko ederrenak sortuz! LASAITASUN HURA Lasaitasun hura dut amets zure besoetan nuena, mundu aldrebesean, azkarrean zure besarkaden baretasuna. muxuen goxotasuna. Gerlak zartatutako gorputza laztan bakoitzean sendatzen zenidan Errepresioak azalean ereindako zauri bakoitza zure gorputzari itsatsiz ixten zitzaidan. Eta orain bideak aurrera darrai. Begiek ñir-ñir egitean, eskuek dar-dar zure argazkiari begira galtzen naiz, zure begi polittei so eta han topatzen dut zure babesa han zure maitasuna. MAITE HAUT TTIKI!!! GalderaIKUR ERdiak Galdera-ikur bat darabilkit ispilu baten bila galdera-ikur urduria, dardartia Galdera-ikur bat darabilkit bihotz erdi baten tankeran noraezean erdi asetuta Hiru puntu suspentsiboko galdera-ikur bat izenik gabeko maitasun historio baten ikur gisan, muxu eta laztan goxoen pexkixan! TOMA! Toma mis manos, toma mis llantos, toma mis versos, toma mi amor! eskuen bila... mira billa bihotzaren herdoila... maitasun etsiaren moila negarraren mintzaia... eta irriaren jaia distantziaren harmaila... lurra iraultzeko laia poesiaren sutoña... bihotza laztantzeko oiña gogoaren zerralla... bidea daukat zaila maitasunaren ezin ... ta nahia! Zure KOALa Zure koala izan nahi dut, zure enborrean zintzilik edo zure enborrean itsatsirik. Besarkada estu batean galdurik, helduta gottik ta behetik, ez dago gozamena ezezik! Hertsi nazazu gogotik!!! ASKATASUN NAHIA Zulo txikitik so paisaia berberean galtzen zait begirada orain ilun, gero argi orain euritsu, orain ateri. Aspaldi joan zen elurra, aspaldi zen urtu. Aspaldi ziren urtu begien atzean izoztutako malkoak ere. Zulo txikitik begira paisaia aldakorraren monotonia opari nire begi txikientzat. Zulo txikitik so arnastu ezinezko mendia, zeharkatu ezinezko errepidea ukitu ezinezko harrizko etxeak, laztandu ezinezko lore gorriak. Zulo txikitik monotonia aldakorra denbora aurrera doan seinale. Zulo txikitik so artega, zakur arrotzen ibilgailu hotsa, begi ninien dardara eraginez izotz horma arantzadunak nire barrunbeak orrazten odola izozten, begi txikiak lausotzen. Zulo txikitik begira ilargiaren argia, begiek arnas dezaketen sosegua bizirik sentitzeko egia. Zulo txikitik so zulo handian ez jausteko arrazoiaren argia etorkizunerako zubia askatasunaren argazki txikia.