Press "Enter" to skip to content

Kategoria: Izerditan blai

Hondartzeko futbolari jarraipen berezia gaur Izerditan Blai saioan

Iepa kaxo!!

Hemen gara beste asteazken bat gehiagoz zuoi saio berri bat eskaintzeko. Gaurkoan zarauzko taldeen emaitzak izango ditugu, atal batzuk jai izan duten arren lana fin egin dutenen emaitzak ekarriko ditugu.

Honez gain surfari ere tartetxo bat egingo diogu, California aldera joango gara bertan San Francisco Rip Curl Pro Search 2011 txapelketa habian baita.

Hondartzan jarraituz igande honetan izan dugu playerotako beste jardunaldi bat. Hemengo emaitzak zuenganatzeaz gain gure kinielan nork asmatu dituen gehien, eta gutxien jakinaraziko dizuegu.

Azkenik 4. emayonk/lori pala txapelketako emaitza batzuk dakizkigunez hauek ere emango dizkizuegu. Bukatzeko azaroan zehar egingo ditugun elkarrizketak zeintzuk izango diren aurreratuko dizkizuegu. Ez hutsik egin eta entzun Arraio irratia 20.00tatik aurrera!

Programazio berria aurkeztuko dugu larunbat honetan

Arraio Irratiko kideek, udazken eta negurako prestatu dugun programazio berria aurkeztuko dugu larunbat honetan, Kuadrila egunean.

Nobedade askorekin dator gure programazio berria. Lehena, gure irratsaio propioen kopurua igo egin da. Ohiko saioez gain, Zirrimarra irratsaio berri bat hasi dugu asteazkenetan, Izerditan Blai saioaren ondoren.

Honez gain, gure saioen errepikapenei garrantzi handia eman nahi izan diegu eta astelehenetik ostiralera, arratsaldez ere errepikapen hauek entzun ahalko dira, Info7ko albistegiaren ostean. Larunbatetan ere, gure saioen errepikapenak entzun ahalko dira.

Gainontzean, beti bezala, beste irrati libreetako saioekin osatu dugu programazioa. Goizetan ohikoak diren Kale Gorrian (Info7) eta Suelta La Olla (Hala Bedi) irratsaioak entzun ahalko dira. Bertxoko, Kaleko Bentanie, Munduko Sustraiak, Hegoaldeko Ostatua Jokoa Bai eta Zarauzko erbesteratu bat parte den ADesalambrar saioak ere gurean jarraituko dute.

Nobedade bezala, Zintzilik Irratiko Matxura Buruan…, Kaleko Mobida, Zuria Beltzez (Hala Bedi), Gazte Zaparrada (Gure irratia) eta Mar de Fuegitos (Tas-Tas) ditugu.

Amaitzeko, beste Zarauztar batek Info7 irratian hilean behin egiten duten Uhaina Bikaina saioa ere gurean entzungo da.

Lerro hauen bidez, Arraio Irratia sintonizatzeko gonbita luzatzen dizuegu, bai FMko 99.3an eta baita internet bidez. Eta edonork irratsaio bat egiteko edo irratian kolaboratzeko gogoz bada, gure ateak zabalik dituela ere gehitu nahi dugu.

Hondartzako futbolari tarte berezia egingo diogu gaurkoan Izerdtian Blai saioan

Iepa kaxo!!

Udazken beteko giro honetan etxean goxo goxo entzuteko saio aparta prestatu dugu. Beti bezala zarauzko taldeen emaitzak aipatuko ditugu, eskubaloian berriz ere senior talde denek irabazi dutela da albiste. Futbolean neskek bakarrik eman digute poza eta saskibaloian denetarik izan dugu, areto futboleko berdinketa ahaztu gabe.

Emaitzen ostean hondartzara egingo dugu salto, Peniche aldean Rip Curl Pro Portugal 2011 txapelketa amaitu berri denez bertan gertatutakoa aipatuko dizuegu.
Hondartzan jarraituaz playerotako emakumezkoan 2. eta gizonekoen 3. jardunaldiak zein emaitza utzi dizkigun emango dizkizuegu. Sailkapenak nola dauden ere aipatuko ditugu.

Bukatze aldera zarauzko BTT taldeak denboraldi berri honi hasiera eman diola gogoratuko dugu, baita aurtengorako zein asmo dituzten ere. Bestetik ez ahaztu Zarauzko Kirol Elkarteko bazkideek urteroko batzarra dutela gaur 19.30tan kirol elkarteko areto nagusian.

Azken azkenik 4. Emayonk Lori pala txapelketako emaitzak emango ditugu, lehen fasea amaitzeko oso egun gutxi geratzen badira.

Hau dena 20.00tatik aurrera Arraio Irratian!

Izerditan Blaien ere jai egiteko arrazoirik ez dugu

Iepa kaxo!

Gaur batzuentzat egun berezia izanagatik ere guk betikolez gure saioa egingo dugu. Lehendabizi gure herriko taldeek izan dituzten emaitza errepasatuko ditugu, eskubaloiko talde guztiek garaipena lortu dutela azpimarratuz.

Ondoren Hossegor aldera joko dugu, bertan Quiksilver Pro Fance 2011 txapelketak aurrera darrai, eta honen berri ere emango dugu.

Hondartzan jarraituaz playerotako emaitzak ere ezin eman gabe utzi. Aurreko igande goizeko emaitzez gain gaur goizean izan direnak ere aipatzen saiatuko gara.

Azkenik, gaurkoan denbora izango dugulakoan, pilotari historikoari ere txanda egingo diogu. 4. Emayonk Lori pala txapelketaren emaitza batzuk ere zuenganatuko dizkizuegu.

Hau dena Arraio Irratian, jai faxixtekin bat egiten ez duen irratian, 99.3an!

Hossegoreko surf txapelketaz jardungo gara gaurko Izerditan Blai-en

Iepa kaxo!

Hemen gara beste astebetez zuekin, gaurkoan herriko taldeen emaitzez gain kontu asko ditugu. Baina beti bezala futbolean, saskibaloian, areto futbolean eta eskubaloian zer egin duten aipatuko dugu.

Ondoren hondartzara egingo dugu salto, Azoreetako froga bukatu zen eta gaur bertan hasi dira Hossegorrren maila goreneko txapelketarekin. Herriko ordezkaririk egon ez arren tarte berezia eskaini nahi diogu froga honi, izar handienak bertan bai ditugu. Hondartzan jarraituz baian oraingo honetan zarauzkoan, aste honetan hasiko dira playeruak edota hondartzako futbola. Honi ere begirada bat emango diogu, talde batzuk utzi dute eta berriak sortu, fitxaketen gora beherak… saltsa alegia.

Azkenik frontoietara egingo dugu salto, atzo aurkeztu genuen 4. Emayonk lori pala txapelketa eta honen nondik norakoak argituko ditugu. Hau guztia esan eta gero denbora baldin badugu (Zirrimarrakoek morestatzen ez bagaituzte) frontoietako historiko bati egin nahi diogu tartetxo bat, nor izango ote?? Hau jakiteko sintonizatu Arraio Irratia 20.00tatik aurrera FMko 99.3an!!