Press "Enter" to skip to content

Kategoria: Berriak

“Munduko toki sakratuak” hitzaldia 19tan Gaztetxian

Kaixo bidaiazaleok!

Gaur atsaldeko 19tan, Putzuzulo Gaztetxian, Fernando Rojon eskutik “Munduko toki sakratuak” hitzaldia izango deu. Fernandok erlijioez eta xinismenez hitzeingo digu eta toki hauetan izandako bizipenak… hemen ikus dezakeunez, argazkilari piña deu…

Beraz, solasaldira azaltzera animatzen zaitugu eta bertan ikusiko garelakoan, Arraio irratia 5 urte betetzea doa bihar eta ospatu berra dao!

 

Final handia ostiralean 18.30tan poligonon

Iepa kaxo!
Arraio Irratiak 5 urte betetzen dituen egunean Izerditan Blaiko kideok antolatutako futbito txapelketaren finala jokatuko da 18.30tan Poligonon. Hau maiatzak 20an izango da, ostirala, beraz badakizue ez galdu aukera giro paregabeaz gozatzeko.

Honez gain gaurko saioan herriko taldeak izango ditugu hizketa gai, saskibaloian emakumezkoek ezin izan zuten igoera lortu finalean galdu zutelako, gizonezkoak igoera fasean lehengo geratu dira aste honetako partidua irabazi ostean.

Surfean ASPko froga berri bat dago jokoan Brazilen, Billabong Rio Pro hain zuzen ere, honen berri ere mango dizuegu tartetxo batean.

Azkenik gure lasterketa kuttunari errepaso bat emango diogu, Italiako Giroari hain zuzen. Lehengo astea pasata gauzak argitzen ari dira. Oraindik ibilbide asko geratzen da, mendate beldurgarriekin, gure pronostikoa egiten saiatuko gara.

Gaur 20.00tatik aurrera aukera bikaina duzue Arraio Irratia sintonizatu eta irratsaio eder batez gozatzeko, on egin!

Oporraldiaren osteko ATALKA saioak

Konturatzerako, duela aste batzuk hartutako oporraldia luzatu egin zaigu arraio.net-en….

Eguneratzeko, atzeratutako saioen berri ondoren:

Aurreko astean, PAGADI zalditegiko Unai Lazkano izan genuen Atalkan. Zaldiak izan genituen hizpide, elkarrizketa txit interesgarrian.

Eta aurreko-aurreko astean berriz, Josune Gastañares eta Oiartz Eizagirre izan genituen gonbidatu. Labi eta Xaporraren bikotekideak ditugu emakumeok, eta prozesu guztia nolakoa izan den eta nola bizi izan duten kontatu ziguten.

Saio hauek entzuteko aukera izan ez zenutenok, podcastean dituzue zain. On egin!

SUKALDARITZA EKOLOGIKOA GOIABEkoen ESKUTIK

Kaizo arraiozale!

Ostegun honetan, Goiabe jatetxe ekologikoko kidetariko bat izango dugu Atalkan eta sukaldaritza ekologikoaren inguruan arituko gara euren jardunaz hitz egingo dugularik.

Jatxetxe zerbitzuaz gain, ogi ekologikoa eta bestelako elikagai eta produktuak egin eta saldu ere egiten dituzte Goiabekoek.

Ostegunean beraz, 22’00etatik 23’00 elikadura eta “filosofia” ekologikoa gurean.

On egin!

Arraio Irratiko urteurreneko ekitaldiek aurrera darraite

Arraio Irratiaren 5. urteurreneko ekintzek aurrera darraite. Maiatzaren 14ko zuzeneko emisio arrakastatsuaren ostean, Aste honetako egitaraua honako hau da:

Maiatzak 19, osteguna:
Ostegun bidaiari bikain bat edukiko dugu Bitakora Kaiera irratsaioaren eskutik, Bertan, Fernando Rojo edukiko dugu berak eginiko bidai interesgarri baten inguruan. Hitzordua, arratsaldeko 19:00etan duzue Putzuzulo Gaztetxean. Gogoratu zuzenean emitituko dugula irratitik, bai FM bidez eta baita internet bidez.

Maiatzak 20, ostirala: Izerditan Blai irratsaioak azken bi hilabetetan antolaturiko futbito txapelketaren finala edukiko dugu. Final hau arratsaldeko 18:30etan izango da Poligonon. Arraio Vallekano ez da finalean izango baina bai pintxuak, zerbeza eta sekulako giro bikaina!!!

Maiatzak 21, larunbata
: Goizeko 10:00etatik hasita, irrati libreen topaketak edukiko ditugu Putzuzulon. Bertan, Euskal Herriko irrati libre ezberdinetako kideak edukiko ditugu beraien esperientziak kontatuz.

14:00etan berriz, bertso bazkari bikaina antolatu dugu Xabier Silveira, Jokin Uranga eta Fredi Paia Mosketeroekin. Sarrerak aldez aurretik hartu ahalko dira 15 eeuuroren truke Zarauzko Arrano, Eguzki eta Juli-Juli tabernetan. Egunean bertan 25 eeuuro balioko du bazkarirako sarrerak.

Bazkaria amaitzean eta dena jasotzean, kalera joango gara Oriyoko BonboTrompeta txarangarekin. Eta gaua amaitzeko, kontzertu itzela edukiko dugu Gaztetxean bertan Dirtaa, Gabba Gabba Hey eta AZ/DZ taldeekin.

Guzti honen informazioa emateko kuña txiki bat egin dugu, Kuña hau entzun nahi baduzue, hemen duzue: