Egilea: izerditan blai

Iepa kaxo!!
Tenperaturek laguntzen ez duten arren gaur ere Izerditan Blai irratisaioa izango duzue entzungai. Egun hotzetan berotzeko aukera egokia da kirola egitea edota kirol irrati saioa entzutea. Gaurkoan asteburuan izan ditugun partiden berri emango dugu, betikolez. Aipamen berezia eginaz saskibaloi taldeari 11 garaipena erreskadan lortu dituztelako.

Futbolean, gizonezkoen preferente mailan, taldea bolada onean dabil, hau ere mintzagai izango dugu nola ez. Baita hondartzako futbola ere, jardunaldi berri baten atarian baikaude.

Azkenik surf izango dugu, jada denboraldia bukatu baita. Bart gauean amaitu da Pipelineko Koroa Hirukoitzeko froga, Aritz Aranburu WQSen arituko da urrengo urtean, Mick Fanning-ek irabazi du munduko txapelketa ta Joel Parkinson izan da Koroa Hirukoitzeko txapeldun.

Beraz badakizue, kirolaren inguruko beste saio interesgarri bat 20.00tatik aurrera Arraio irratian 99.3an, zarauzko irrati librean!!

Iepa kaxo!
Jada igaro da bai zubi luze hau ta bada garaia web gunea ere berritzeko. Izenburuak ondo dion bezala gaurkoan bi egun hauek izango ditugu izpide. Lehengoa “Mobi Dick” eguna Aspanovas -ek (minbizia duten haurren gurasoen gipuzkoako elkarteak) antolatutakoa da. Egun hau abenduak 20an, igandea ospatuko da Zarauzko herrian, bertan, ekintza ugari izango dira egun guztian zehar, baita kirolari ezagunen parte hartze zuzena ere Markel Irizar, Haimar Zubeldia, Amets Txurruka, Marcos San Sgundo, Mirian Imaz, Aimar Irigoien….

Kirol Harria berriz Donostian burutuko da abenduaren 27an. Ekitaldi hau euskal herriko kirolariak bultzatakoa izan da, lehen aldiz, zazpi probintzitako kirolariak beren kabuz bildu dira Euskal Herriak nahi eta behar duen selekzioaren aldeko eguna ospatzeko.

Bi egun handi hauek aipatzeaz gain asteburuan jokatu diren partiden berri emango dugu, futbolean eta eskubaloian ez baizen atsedenik egon. Hondartzako futbola ere mintzagai izango dugu.

Gure herrian gertatu direnak ez ezik beste kontu batzuk ere izango ditugu, Tolosako 4 terdiko Jokin Argoteren finalean izan ginen eta bertako kronika egin dugu. Pil pilean dagoen surf txapelketaz ere jardungo gara gaurkoan, Koroa Hirukoitzeko 2. txapelketa bukatu da eta gaur bertan hasi beharko luke ondo bidean Pipelinen joktauko den azken txapelketa. Honez gain Eddie Aikau memoriala ere aipatuko dugu bertan Ibon Amatrian baitago gonbidaturik.

Beti bezala gaurko saioa ere oso interesgarria joango zaigu, eskerrak atzetik irrati saiorik ez dugun, euskadi gaztera pasa baita Arraioneako 27 zapata, agian kirol eskirol atala egiten hasi beharko dugu….

Iepa kaxo!! Halaxe da bai, gaurkoan bi gonbidatu izango ditugu, aspalditik nahi genuen golfaren munduan murgildu kirol hau zelaitik atera eta uhinetan zabaltzeko. Iñaki Enparanza “Enpa” eta Jon Ander Corralekin golfaren mundua hobeto ezagutuko dugu, txapelketak, handikapak eta makilen ezberdintasunak. Bestetik nola ez zarauzko golfaren egoeraz mintzatuko gara, bazkide kopurua, kuotak, golfeko maila…

Galdera hauez gain zuek ere galderarik egin nahi izan ezkero badakizue entzun gure saioa 20:00tatik aurrera.

Elkarrizketatuak ere jakin badakigu surf zaleak direla, honexegatik gaur ere Hawaira joko dugu Koroa Hirukoitzeko bigarren frogaren nondik norakoak jorratzeko. Bertan gure ordezkari bakarra Aritz Aranburu dugu, Hodei Collazo kalean geratu baita.

Azkenik ezingo dugu aipatu gabe utzi Jokin Argoteren 2. mailako 4 terdiko final handia. Larunbat honetan Beotibarren jokatuko den finalaz, pelotan adituak diren Xotamano eta Jorge Cerratok, beraien pronostioak emango dizkigute.

Esandako hau guztiaz gain beste hamaika kontu ere izango ditugu gaurkoan zarauzko kirol saiorik onenean, Izerditan blai-en non bestela

Iepa kaxo!

Gaur, asteazkenero bezala herriko taldeen emaitzak aipatugo ditugu, alde batetik aspaldiko partez areto futboleko taldean jasandako porrota eta Leihoak Zarautzek erdietsitako 9. garaipena erreskadan eta besteik Errenterian eskubaloi taldeak azken unean lortutako garaipen ikaragarria.

Honetaz gain gaurkoan Hawai aldera joko dugu bertan Koroa Hirukoitzaren 1. froga bukatu eta 2. hastear baitago. Gure ordezkarien egin dutenaren berri emango dugu, baita urrengo saioan noren aurka lehiatuko diren ere. Gainera herrian jokatu berri den Squash txapelketa azkarra eta laster jokatuko den ligarako baliagarria izango den txapelketa aipatuko ditugu.

Azkenik igandean izan zen emakumezkoen hondartzeko futbolaren jardunaldia errepasatuko dugu. Ahaztu gabe Jokin Argote pilotariak lortutako garaipen handia bigarren mailako lau terdiko txapelketan.

Hau dena ta gehiago beti bezala 20.00tatik aurrera herriko Irrati Liber bakarrean Arraion Irratian!!

Iepa kaxo!!
Orain bi aste iragarri genuen denborarik bagenu bi igerilari historiko aipatuko genituela. Tarterik izan ez genuenez gaurko utzi dugu Floridan jaio zen igerilari honen bizitza.

Honez gain betikolez herriko taldeen emaitzak izango ditugu. Aipatzekoa da areto futbolean lortutako garaipena, Eneko Izerditan Blai saioan egon zenetik ez baidute partidarik galdu.

Bestetik Hawain jokoan den Koroa Hirukoitza WQSko txapelketa ere hizketa gai izango dugu, herriko surfistek egiten dutena jakin dezazuen.

Xotamano djak etxeko lanak egiten baditu, pelotako albiesteak ere emango ditugu, gure herriko gazteek zer egin duten asteburuan ta Jokin Argotek 2. mailako 4 terdiko txapelketan orain arte egindako aipatuko ditu.

Azkenik gogoratuko dugu gaur lehiaketa izango dugula, bertan Peruko selekzio elastikoa izango dugu zuei eskaintzeko, Far Fan ta Pizarro bezalako izarrek jazten duten elastiko. Sari hau irabazteko galdera honi erauntzun behar diozue: aipatutako historikotatik zein duzu gustokoen edo, zein historiko aipatzea gustatuko litzaizuke? Galdera hau bi modutara erantzun dezakezue, e mail bat bidali izerditanblai@arraio.net helbidera edota irrati saioan zuzenan parte hartu. Memoria frexkatze aldera hemen doaz aipatu ditugun batzuk: Roberto Rios, Herri Torrontegi, Eugeni Berzin, Alberto Berasategi, Yago Lamela, Aleberto Tomba, Neil Steffens, Conchita Martinez, Sasa jorjevic, Delfi Geli, Jan Alesi, Tony Rominger, Marcelo Nicola Kenny Green……