Egilea: arraio

Kaixo irratikide!!

Igande honetan ere, hutsik egin gabe, Ahuntzaren Gauerdiko Eztula irratsaio izan zen Arraio Irrati libreko uhinetan gaueko 9tatik 11etara bitartean.

Ohikoa den legez, efemerideak errepasatu genituen, pertsonaia zein gertaera ezberdinei buruz zertxobait gehiago ikas dezagun. Ondoren asteko errepasoari ekin genion, makina bat konturekin.

Gonbidatu bereziak ere izan genituen, beti bezala. Oraingoan Ipar Irlanda aldetik ibili diren lagun batzuk etorri zitzaizkigun bixitan, 3 egunetan bizitakoa kontatzearekin batera irlandari buruz gauza gehiako ikasteko aukera izan genuen. Lehiaketaren atalean, asmakizun dibertigarri betekin ibili ginen aurrera eta atzera. Irakurri duzun moduan, galdu ezinezko zita izan zen igande honetakoa ere. Osorik entzuteko hemen duzu aukera, on egin!

…..::::::DESKARGATU::::::…….

Kaixo irratikide!!

Pasa den igandean irratsaio benetan interesgarria burutu genuen Arraio Irratiko Ahuntzaren Gauerdiko Eztulean. Sindikatu ezberdinak gonbidatu genituen gurera, besteak beste ELA, LAB, CNT edota CCOO. Etziren denak azaldu zitara, batzuk ezin zutelako, besteak ez dakigu zergatik.

Azkenean ELA eta CNT sindkatuko ordezkariekin maiatzaren lehenak utzitako arrastoari jarraiki, 21eko greba orokorra eta ezarri diguten krisialdi ekonomikoa deritzona aztertzen aritu ginen. Langile mugimenduaren eboluzioa ere hizpide hartu genuen gaur egungo kapitalismo neoliberalak gure jendartean duen eragina argitzeko asmoz.

Besterik gabe, deskargatu ezazu irratsaioa oso-osorik eta, gogoratu, 21ean GREBA OROKORRA!!!

……:::::::ENTZUN IRRATSAIOA:::::::…….

Kaixo irratikide!
Hemen gara berriz ere Ahuntzaren Gauerdiko Eztuleko kideak. Oraingo honetan baten faltan, BI irratsaioren berri ematera gatoz!
Duela bi aste Uztaro Kooperatibako kideak izan genituen gure uhinetan, beraien udaberri festaren berri emanaz. Honetaz gain, Gazte Martxaren kronika ere burutu genuen, gure gerrako korrespontsal den I-Jaunaren grabaketekin.

Atzoko egunean aldiz, betikolez efemerideak errepasatzean, Gernikako bonbaketaren urteurrenaz gain Txernobilko zentral nuklearreko istripuaren urteurrena zela ohartu ginen. Mundua lo dagoen bitartean irrati nobelaren azken bi kapituluak ere eskeini genituen.
Gure soinu deiak esaten duen bezala, galdu ezinezko zita, etzara ez damutuko gero!!

Hemen dituzue bi irratsaioak deskargatzeko:
2009-04-19
2009-04-26

Kaixo irratikide!

Atzo, igandea, gaueko 9tatik 11etara Ahuntzaren Gauerdiko Eztula irratsaioa izan zen Arraio Irratian. Ijauna eta E-donatoren ahotsetan, beti bezela, makina bat gai jorratu ziren.

Hasteko, efemerideak, eta oraingoan pertsonaia ezagun batzuen bizitza hobekiago ezagutzen lagundu zigula ezin ukatuko dugu. Asteko errepasoa ere burutu genuen, bai herrian zein kanpoan izan diren gertakari batzuk hizpide hartuta.

Mundua lo dagoen bitartean, eskeintzen hasi garen irrati nobelaren bigarren atala ere eskeini genuen. Gero eta intriga gehiago pillatzen ari da Joneren egoera delata…

Lehiaketa, Korrikaren berri gure korrespontsalen ahotsetatik, agenda eta abar luze bat ere izan genuen igandean.
Entzun nahi baduzu klikatu hemen:

….::::::DESKARGATU:::::……..

Kaixo irratikide!!

Atzo, martxoaren 29a izaki, Arraio Irratian igandero bezala Ahuntzaren Gauerdiko Eztula irrati saioa burutu genuen gaueko 9etatik 11etara. Hutsune nabariak izan genituen: B-jauna eta Malintxe falta zitzaizkigun, baina E-donato eta I-Januak izan genuen zer esana bi orduetan zehar.

Lehenik, ohiturei jarraiki, efemerideak errepasatu genituen, jarraian asteko errepasoarekin sartu ginen, izan baitugu makina bat ekitaldi. Asteburuan buruturiko pare bat emiken ere aipatu genituen, besteak beste Korrika 16-ren arira egin zen poteo, bazkari ta kontzertua, eta bestalde Arraio Irratiaren programazio berrikuntza. Geroxeago larunbat gauean gertatu zen ordu aldaketa izan genuen hizketagai, noiztik eta zergatik aldatzen dugu ordua?

Eta azkenean iritsi zen gure berrikuntza: Mundua lo dagoen bitartean irrati nobela.Patxi Zubizarretak idatzitakoa eta Txalaparta argitaletxeak kaleratua. Bertan maitasun istorio bat intriga, suspense eta umorearekin nahasten dira irratsaio formatuan. Lau kapitulutan zatiturik dago eta gun lehengoa emititu genuen.

Amaitzeko, Gazte Martxaren egitaraua, Pasaiako sarraskiaren urteurren ekitaldietan izandako gorabeherak eta Txile aldeko hainbat kontu ere komentatu genituen. Beti bezala, galdu ezinezko irratsaioa!!

Osorik entzuteko hemen aukera:

…..::::::DESKARGATU:::::……….