Press "Enter" to skip to content

Egilea: arraio

CNT sindikatuaren mendeurreneko hitzaldiak entzungai daude

arraio arraio
2011-01-21

Podcast: Play in new window | Download

Zarauzko Putzuzulo Gaztetxean CNT sindikatuaren mendeurrenaren inguruan egin ziren hitzaldiak entzungai daude iada. Azaroaren 12tik Abenduaren 9ra burutu ziren hitzaldi guztiak igo ditugu iada entzun ditzazuen.

Azaroaren 12an, Andres Ruggeri, Buenos Aireseko unibertsitateko irakaslea eduki genuen Argentinako Empresa autogestionatuen inguran.

Azaroaren 17an berriz, Miguel Perera eduki genuen hizlari “Ahora mas que nunca anarcosindicalismo” izenpean.

Azaroaren 25ean, Endika Alabort EHUko irakaslea izan genuen krisi ekonomikoari buruz eta alternatiba autogestionarioen inguruan hizketan.

Azaroaren 30ean, bi gonbidatu eduki genituen Putzuzulon. Lehena, Juan Luis Mendizabal “Mendi” izan genuen. Berak, bere umeetako oroitzapenak ekarri zituen gogora eta Zarautzen anarkistak izan zireneko gogoetak ekarri zizkigun. Honen ostean, Luis Mª Jimenez De Aberaturi eduki genuen, gerra zibileko Euskal Anarkistak gogora ekarriz.

Eta amaitzeko, Abenduaren 7an Lucio Urtubia anarkista egon zen “La revolucion por el tejado” izena zuen hitzaldia ematen.

Hitzaldi guztiak, podcastetan dituzue:

Tximas Askatu!!!

arraio arraio
2011-01-15

Asteartean albiste txar batekin jaiki ginen: Itxaso eta Tximas atxilotu zituzten;
Vista Alegreko auzoa Guardia Zibilak hartuta zuen, Ziburun ere Gendarmeak ari
ziren mihaketetan… Momentu hartan egonezina eta ezina nagusitu ziren, eta
eguna aurrera joan ahala, larritasun hori harridura eta haserre bilakatzen joan
zen, atxiloketari buruzko informazio jasotzen genuen heinean.

Albistegiak eta titularrak bete dituzte telebistan, irratian eta prentsan, baina
hedabideetan azaldu dituzten bi pertsona horiek ez ditugula ezagutzen iruditzen
zaigu. Horiek ez dira guk ezagutzen ditugun Tximas eta Itxaso. Eman dituzten
deskribapenek ez dute guk gure lagunetaz genituen irudien antz handirik.
Propaganda politikoa martxan jarri da eta honek ez du barkatzen.

Guk, hala ere, ez diogu honi sinesgarritasunik ematen. Izan ere, atxilotu
berri dituzte bi gazte hauek azken urteotan gurekin batera lanean jardun
diren lagun horiek besterik ez dira. Hor egon dira asanbladetan, beraiekin
batera eztabaidatu eta hartu ditugu erabakiak; gure ondoan egon dira kalera
atera garenean; batera ibili gara baita parrandan ere… Bi lagun hauen lanak
eragin nabarmena izan du gaur egun Zarautzen ditugun hainbat proiektu eta
espaziotan: Gaztetxean, Gazte Asanblada,Arraio Irratian edo Txosnetan esate
baterako.

Komunikabideek iada epaitu eta kondenatu dituzte, jende askok ere sinetsi ditu
hauei buruz esan diren gezur guzti-guztiak. Guretzat, ordea, gure aldamenean
lanean jardun diren bi lagun horiek izaten jarraitzen dute, eta gertatzen denak
ez du haietaz dugun iritzia aldatuko. Horregatik, besarkada bat bidaltzen diegu
Itxaso eta Tximasi, baita beraien senitarteko eta lagun guztiei ere.

Sinatzaileak:

Putzuzulo Gaztetxea
ZAGA
Arraio Irratia
Gazte Independentistak
Bilgune Feminista
Gurekin Jai Batzordea
Sorginak
Zaratazarautzeko musika taldeak
Bina-bina antzerkia

2010eko Kopla Txapelketa ere entzungai dago

arraio arraio
2011-01-14

Podcast: Play in new window | Download

Zarauzko Putzuzulo Gaztetxean urtero bezala ospatu zen Kopla Txapelketa entzungai dago iada. Gogoratuko zareten bezala, Euskara astearen barruan ospatzen den txapelketa hau, Abenduaren 10ean izan zen eta sekulako jendetza elkartu zen bertan. Aurtengoan gainera, Amets Arzallus izan genuen irabazle.

Arraio Irratiak, urtero bezala zuzenean emititu zuen saio hau eta orain sarean duzue oso osorik entzun nahi baduzue. Podcastean klik egin besterik ez duzue:

Ahuntzaren Gauerdiko Eztula!

arraio arraio
2009-06-08

Kaixo irratikide!!

Pasa den igandean ere irratsaio eder bezain interesgarri bat burutu genuen Arraio Irratiko sintonian. Gaueko 21:00etatik 23:00ak arte gai ezberdinak jorratzeko parada paregabea izan genuen.
bf
Hasteko, betiko lez, efemerideak errepasatu genituen, bai Wikipediakoak eta baita Jardinerko jaunak ekarritakoak ere. Jarraian Gurekin Jai Txosna Batzordeak eskeinitako prentsaurrekoa aireratu genuen. Gonbidatua berriz, Bilgune Feministako kidea izan zen, abortuaren inguruan mintzatu ginelarik.

Eta, nola ez, hauteskunde gaua izaki, Info7rekin konexioak egin genituen, eta gu ere analista politiko bilakatu ginen, une batez.

Hau guztia eta gehiago gertatu zen Ahuntzaren Gauerdiko Eztulean, entzun ezazu!!

Podcast: Play in new window | Download