Press "Enter" to skip to content

Egilea: arraio

Intsumisoen gauerdiko eztula!

lore
Kaixo irratikide!

Pasa den igandean, Arraio Irratian, gaueko 9retatik 11etara Ahuntzaren Gauerdiko Eztulan 20 urte atzera egin genuen Euskal Herriko borrokarik esanguratsuenetako bati buruz mintzatzeko.

Horretarako luxuzko gonbidatuak izan genituen: Zarauzko Batzar Antimilitaristako (ZBA) kideak. Intsumisioak izan zuen eboluzioa aztertu eta gaur egun arteko errepasoa burutu genuen.

Hemen duzu irratsaioa osorik entzuteko aukera:

…..:::::DESKARGATU:::::…..

Ahuntzaren Gauerdiko Eztula!!

Kaixo irratikide!!
Igande honetan ere beste irratsaio gogoangarri bat burutu genuen E-donato, I-janua eta B-jaunaren artean. Gaueko 21:00tatik 23:00etara makina bat kontu eta komeri jaurtiki genituen Arraio Irratiko uhin libreetatik.

gelatzo
Hasteko, eta ohitura ez galtzeko, efemerideak izan genituen hizpide. Otsailaren 22a izanik, egun honetan bertan jaio zen trikitijole ezagun baten inguruan burutu genuen lehiaketa: Pedro Sodupe “Gelatxo”ri buruz hain juxtu ere.

Bere ezizena zein zen jakin nahi genuen, “Gelatxo” alegia. 8 dei izan genituen, tartea bi Bartzelonatik eta bestea Guardia Zibilaren kuarteletik, baina inortxok ere etzuen asmatu.


malcom

Baina 2 orduko irratsaioa izan genituen kontu eta komeri gehiago ere, besteak beste Malcom X-en heriotzaren urteurrena gogoratu genuen bere bizitzari errepaso arin bat emanaz eta bere autobiografiaren zati bat irakurriaz.


…..:::::ENTZUN IRRATSAIOA:::::…..

Ahuntzak Chileko lagunekin zuzenean!!

Kaixo irratikide! Igande honetan ere irratsaio benetan berezia egin genuen Arraio Irratiko uhin libreetan.
chile Ahuntzaren Gauerdiko Eztulak muga guztiak hautsi eta Chileko Temuko herrian bizi diren E-Donatoren lagunekin zuzeneko konexioa burutu genuen. Lehenengo eskutik bertako errealitatea kontatu ziguten, okupaturiko etxeetan poliziaren jazarpena, batez ere maputxeekin elkartasuna adireazten duten kideengan.

Honetaz gain, efemerideak, Gazte ta Aske eguneko kronika, Malintxeren bixita, lehiaketa… beti bezela igande paxa ederra botatzeko ezinbesteko zita: IGANDERO GAUEKO 9tatik 11eta AHUNTZAREN GAUERDIKO EZTULA


……::::::ENTZUN IRRATSAIOA::::::……

Ahuntzen gauerdiko eztula KUÑA BERRIAREKIN!!!

Atzo, otsailak 1 izan zen, igandea, eta Ahuntzaren Gauerdiko Eztulak, Arraio Irratiko irratsaio beteranoenak, soinu dei berria estrenatu genuen!

Irratsaio dibertigarri bezain informatiboa izan zen atzokoa:
-Efemerideak
-Gazte ta Aske! eguneko antolatzaileei elkarrizketa
-D3M-k Kursaalean egin zuen ekitaldiko grabaketak
-Lehiaketa
-Dei sorpresa
ahuntza

Gonbidatu batekin ere hitzordua egina genuen baina, oraindik argitzeko ditugun arrazoiengatik, etzen agertu.
Aspaldiko partez Malintxeren bixita ere izan genuen, mutu xamar ibili arren, bere presentzia oso nabaria izan ze irratsaio osoan zehar.

Guzti hau entzuteko aukera HEMEN DUZU!!

Igandeko ahuntzon eztula!

Kaixo irratikide!

Igande honetan ere gaueko 9tan Ahuntzaren Gauerdiko Eztula izan zen Arraio Irratian eta oraingoan ere gai zaparrada bikaina eskeini genuen. Betikolez, efemerideak errepasatuz hasi genuen irratsaioa. Lehiaketa bate ere burutu genuen jasan berri dugun zikloiaren inguruan.

Pasa den asteko polizia operazioa ere hizpide izan genuen, beraien etxeak miatuak izan zituztenen ahotatik.
alcapone
Eguneko pertsonaia berriz, Alphonse Gabriel Capone, edo beste era batera esanda, Al Capone izan zen, Chicagoko gamster ezaguna. Izan ere, bere heriotzaren urteurrena izan zen igandean eta bere bizitzaren errepasotxo bat egin genuen.

Eta amaitzeko, opari gixa, Ze esatek! talde berriakak egin duen eta internet bidez zabaltzen ari den Miren Begizulo Nazkarate-ri buruzko abestitxo bat aireratu genuen gure uhin libretan.

Hona HEMEN aukera irratsaio osoa berriz entzuteko, etzara damutuko!