Press "Enter" to skip to content

Hilabetea: otsaila 2009

DJ XANKAILLA KAIOLATIKEN

Beno beno, ba ostiral honetan ere gonbidatuarekin natorkizue. Oraingo honetan Dj Xankailla izango dugu gurean, arraioko uhinak House, Elektro-funk eta Dance doinu alaiekin busti asmoz. Badakizue, beti bezala, 8tan hasi eta 9ak arte gurekin bidai ttipi bat egiteko aukera izango duzue!!!

AMATISTA

Bihar, otsailak 5, osteguna, kapitalismoa izango dugu ardatz nagusi Amatista irrasaioan. Berriro ere emakume musika eta ahotsaz bustiko dugu arraio irratiko gela arrosa, gaueko 22tatik – 23tara.

Arraioenea langabezian utziko dugu

Eta lanaz eta lanik ezaz arituko gara, kale gorriaz dekoratuta. Berunak arintzera MC bat etorriko zaigu, DALTON hain justu ere, eta drum bassean oinarrituta hitz jario amaigabez txundituko gaitu. Gaur galdu ezineko irratsaioa, Lizarriturri, 27zapata eta Daltonekin batera, iluntzeko 21:15etatik aurrera.

KKinzona Irratiak FM-rako saltoa egingo du ostiralean

Urretxuko irrati libreak FM-rako saltoa egingo du ostiral honetan, urtebetez interneten emititzen egon ondoren. Hemendik aurrera FMko 98.00 frekuentzian emititzen hasiko baitira. Aurkezpen ofiziala ostiral arratsaldean izango da eta iada programazio txukun bat dutela ere iragarri dute. Bertan parte hartzeko gonbitea ere luzatu dute.

Arraio irratiaren partetik, irrati libre hau zoriondu behar dugu eta ostiral honetan Urretxura joateko gonbitea ere luzatzen dugu. Gora irrati libreak!!!!

Presta zaitezte beste astearte zaratatsu batetarako!!

Otsailaren 3ko saioan, esku artean ditugun diskoez gain, beste hainbat kontutaz hitzegingo dugu ZarataZarautz irratsaioan.

mur.jpg

Hasteko, Zarauzko Dirtaa taldeak atera behar duen maketaren kantutxoren bat entzungo dugu primizia moduan. Zülo, Erantzun, Burkina Faso edota MKT taldeetan ibilitako jendeaz osaturik dagoen taldeak, laister aurkeztu behar du bere lehen lana Zarauzko Putzuzulo Gaztetxean.

Honez gain, ostiral honetan Putzuzulon bertan egongo den kontzertuari ere errepasoa egingo diogu. Eta amaitzeko, Laudion burutuko den Coprofest jaialdiaz ere hitzegingo dugu.

1233567037350_f.jpg

Guzti hau, ohikoa dugun humore puntuarekin izango da, gaur, gaueko 21:30etatik aurrera.